Бугун,

  • USD 10940.05
  • RUB 182.26
  • EUR 11121.65

Болаларда кўп учраётган астигматизм касаллигини аниқлаш ва бу касалликнинг олдини олиш ҳақида «Кўз нури» клиникаси бош шифокори Ҳикматулла Содиқов «Дарё»га ўз тавсияларини берди.

Астигматизм

Ҳозирги кунда болалар орасида энг кўп учраётган касалликлардан бири — астигматизм. Бу кўзни соат десак, ўшанинг ойнаси қийшиқлигидир. Бу туғма бўлиб, лекин кўриш ўткирлиги юз фоиз бўлади. Кейинчалик телефон, телевизор, компьютер ва ётиб олиб китоб ўқиш натижасида астигматизм кўриш қобилиятига таъсир қила бошлайди. Ёш болалар эрталабдан кечгача телефон, компьютер ўйнаб, туни билан телевизор кўради. Натижада астигматизм кўриш қобилиятига таъсир қилади.

Аниқлаш йўли

Бола фақатгина кўзни қисиб, бўриқараш қилиб қарайди. Бу касалликни интернетда ҳар хил дорилар ва чоралар билан даволаш усуллари кўрсатилган. Шуни унутмаслик керакки, уларнинг ҳеч бири ёрдам бермайди. Фақат кўзойнак тақишгина ёрдам беради. Кўзойнак билан баъзида контакт линзалар берамиз. Ҳеч қандай дори-дармони йўқ. Буни доктор индивидуал тарзда, қорачиқни кенг ва тор ҳолатда текшириб, кейин аниқлайди. Астигматизмни уч ёшдан бошлаб 7-8 ёшдаги болаларда ҳам аниқлаш мумкин. Бу ёшга боғлиқ касаллик эмас, балки кўзга керагидан ортиқ зўриқиш бериш билан намоён бўлади.

Тавсия

Биринчи навбатда, боланинг овқатланишига эътибор беришимиз керак. Таомномада оқсил кўп бўлиши шарт. Болаларнинг ёруғ жойда дарс қилишига эътиборли бўлинг. Иложи борича, телефон ва гаджетлардан узоқда сақланг, ҳимоя кўзойнаклари олиб беринг. Болаларга стол тенниси ўйнатиш жуда фойдали – кўздаги аккомодация функциясини яхшилайди, гавҳарнинг қавариқ, ботиқлиги ривожланади. Ушбу тавсияларга амал қилинса, астигматизм кўзнинг хиралашигача етиб бормайди.

Оқибатлари

Баъзи астигматизми бор беморларимизни кўзойнак тақтириб, кўришни 90-100 фоизгача тиклаган ҳолатларимиз бўлган. Болаларда катталардан кўра фарқ қилади. Кўп ҳолларда болаларнинг кўришини тиклаш мумкин. Афсуски, шифокорга кеч мурожаат қилиш кўзнинг ногирон бўлишигача олиб келади. Бола ўзига ўзи хизмат қила олмай қолади. Кечикиб келинган ҳолатларда бемор кўзи кўрмай қолишига ҳам мумкин.

Изоҳ
Асосий янгиликлар