Бугун,

  • USD 11014.01
  • RUB 191.8
  • EUR 10674.78

2021 йил 11 декабрь куни, соат 10.00 да Тошкентда йирик Қозоғистон ритейлери Magnum Cash & Carry илк гипермаркетининг узоқ кутилган очилиш маросими бўлиб ўтади.

5000 квадрат метрдан ортиқ майдонга эга савдо майдончаси Бунёдкор шоҳ кўчаси, 52 уй (B блок) манзилидаги янгиланган кўп функцияли Integro марказида жойлашган.

Тошкентдаги биринчи Magnum гипермаркети концепцияси кўплаб бўш жойлар, кенг савдо қаторлари ва товарларнинг қулай жойлашуви, замонавий энергия тежовчи ускуналар, ёрқин ва ўзига хос интерьер, бой ассортимент, кафе ва новвойхоналарнинг мавжудлигини назарда тутади.

Меҳмонларни катталар ва болаларга мўлжалланган кўнгилочар дастурлар, иллюзионист ва аниматорларнинг чиқишлари, афсонавий «Ялла» гуруҳи ва Фаррух Зокиров, «Кўк Чой» гуруҳининг чиқишлари меҳмонларни хурсанд қилади.

Очилиш куни шаҳар бўйлаб Magnum автобуслари гипермаркет ҳудудигача бепул қатнайди, бу эса барчага дўконга қулай тарзда етиб бориш ва қайтишга имкон беради. Батафсил маршрутни бу ерда https://t.me/magnum_uzbekistan кўришингиз мумкин.

Шунингдек, Magnum Hyundai Elantra автомобили, Тошкентдаги Golden House’дан хонадон, ҳамкорлар томонидан тақдим этилган маҳсулотлар ва бошқа қимматбаҳо совғалар ўйналишини маълум қилади. Ғолиб бўлиш имкониятини қўлга киритиш учун камида 100 000 сўмлик харид квитанцияларини Telegram-ботда рўйхатдан ўтказиш керак https://t.me/mgmuz_bot.

Дўконда ўзбек, халқаро ва қозоғистонлик ишлаб чиқарувчиларнинг озиқ-овқат, маиший кимё маҳсулотларидан тортиб, ноозиқ-овқат маҳсулотларигача бўлган 20 мингдан ортиқ ассортименти тақдим этилган. Тез орада Қозоғистоннинг KEMMI, Sesna, Raxat, A’SU, May, Piala ва бошқа йирик брендлари томонидан тақдим этилган маҳсулотлар гипермаркет пештахталарида пайдо бўлади.

Магнум янги сабзавот ва меваларга алоҳида эътибор беради. Ассортиментда Бразилия, Италия, Қозоғистон, Хитой, Колумбия, АҚШ, Туркия, шунингдек, маҳаллий ишлаб чиқарувчиларнинг товарлари мавжуд. Маҳсулотлар Ўзбекистонга барча ташиш ва хавфсизлик қоидаларига риоя қилинган ҳолда олиб келинади.

Қозоғистондан янги гўшт фақат Қозоғистон мусулмонлари диний бошқармасининг «Ҳалол» сертификатига эга бўлган, ишончли етказиб берувчилар томонидан олиб келинади, бу эса ишлаб чиқаришнинг барча босқичларида: сўйишдан тортиб сақлашгача бўлган даврда шариат қоидаларига тўлиқ риоя қилинишини назарда тутади. Magnum’да ўзбекистонлик энг етакчи ишлаб чиқарувчилар ҳам ўз гўшт маҳсулотларини тақдим этади.

Гипермаркетнинг муҳим афзаллиги 24/7 иш режими бўлиб, бу ташриф буюрувчиларга харид қилиш ва шахсий ишлар учун вақтини режалаштириш имконини беради.

Дўконда ҳар куни янги нон маҳсулотлари пишириладиган новвойхона, шунингдек, оилангиз ва дўстларингиз билан вақтингизни мароқли ўтказишингиз учун шинам замонавий кафе мавжуд.

Асқар Мнаидар, Magnum Uzbekistan бош директори:

«Қозоғистонда орттирган малакамиз ва илғор жаҳон тажрибасига таяниб, биз Ўзбекистонда маҳаллий ўзига хосликларга мослаштирилган универсал бизнес моделини яратдик. Бу ерда биз компаниямизнинг асосий қадриятлари — адолатли нарх, кенг танлов ва ишончли хизмат тамойилини илгари суришда давом этамиз».

18 декабрь куни Тошкент шаҳрининг Сергели туманида яна бир Magnum дўконининг очилиш маросими бўлиб ўтади.

Telegram: https://t.me/magnum_uzbekistan

Instagram: https://www.instagram.com/magnum.uzb/

Facebook: https://m.facebook.com/magnum.уз

Маълумот учун

Magnum Cash & Carry Қозоғистондаги энг йирик чакана савдо тармоғи бўлиб, мамлакатдаги ўнта йирик хусусий компаниялардан бири ҳисобланади. Компания Қозоғистоннинг 12 шаҳрида турли форматдаги 164 та савдо мажмуасига (гипермаркетлар, супермаркетлар ва кичик форматдаги Magnum express va Magnum daily дўконлари) эга.

Magnum Cash & Carry чакана савдо тармоғининг умумий харидорлари сони кунига 350 000 кишидан ошади. Компанияда 12 000 дан ортиқ ходим меҳнат қилади.

Реклама ҳуқуқи асосида.

Изоҳ
Асосий янгиликлар