Ким Кардашьян ва Канье Уэст ажримини оммадан яшира олмади. Уларнинг муносабатлари рэпернинг президентлик пойгасидаги иштирокидан кейин кескинлашиб кетди. Айнан ўша вақтда Ким биполяр бузилишнинг кучайишини бошдан кечирди.

Фото: Esquire

Телеюлдуз бу борада сукут сақласа-да, мухлислар Кимни «Кардашьянлар оиласи» шоусида ҳамма нарсани айтиб беришидан умид қилган. Шоунинг янги эпизодида опа-сингиллар онаси билан бирга Тахо кўлига дам олиш учун борган. Ким эса у ерда ҳам тинчлана олмай, доим асабий ҳолатда бўлган.

Хлои Кардашьяннинг тушунтиришича, баъзида унинг опаси бошқа муаммолар туфайли муносабатларни узиб қўяди. Кейинроқ Кимнинг ўзи ҳам кўзига ёш олиб, оиласидаги вазиятларни муҳокама қилган. Унинг сўзларига кўра, у Канье билан жанжаллашмоқчи эмас, лекин ўзини унинг учун етарлича яхши бўлмадим, деб ҳисоблайди.

«Ҳамма нарсада уни қўллаб-қувватловчи, у билан саёҳат қилувчи ва у учун ҳамма нарсага тайёр рафиқаси бўлиши керак ... Мен ўзимни омадсиз ҳис қиляпман, бу учинчи никоҳим. Ҳа, мен ўзимни  муваффақиятсиз инсондек  ҳис қиляпман. Аммо мен бу ҳақда ўйлашни ҳам истамайман, фақатгина бахтли бўлишни хоҳлайман», – дейди Ким Кардашьян.

Фото: Pinterest

Телеюлдуз Канье ҳар йили Ваёмингдаги ранчога жўнаб кетишини билади. Ким ҳам эрининг орқасидан бориши кераклигини ҳис қилмоқда, аммо у ерга боришдан ҳеч қандай маъно кўрмаяпти. Ким уни янада хушмуомала умр йўлдошига муносиб ажойиб ота деб ҳисоблайди.

Айни пайтда Канье Уэст ажрашганидан кейин ёлғиз эмаслиги ҳақида миш-мишлар тарқалмоқда. Шов-шувларга кўра, у Ирина Шейк билан учрашишни бошлаган.