21 май куни Тошкент вилоятининг Қибрай тумани аҳолиси тарихий ҳодисанинг гувоҳи бўлди. Ушбу ҳудудда Flash Up Energy ичимликларини ишлаб чиқарувчи завод ишга туширилди. Тантанали очилиш маросимида инвесторлар, Қибрай тумани ҳокими, ОАВ ҳамда кенг жамоатчилик вакиллари иштирок этди. Маълумот ўрнида шуни айтиш лозимки, Flash Up Energy бренди Россиянинг Baltika компаниясига тегишли. Ичимлик истеъмолчиларининг 70 фоизини 18 ёшдан 34 ёшгача бўлган ёшлар ташкил этади.
Бренднинг Ўзбекистондаги тарихи ҳақида гапирадиган бўлсак, Flash Up Energy ичимлигини Россиядан Ўрта Осиё мамлакатларига экспорт қилиш 2014 йилдан бошланган. Энергетик ичимликка талаб ортиши туфайли 2018 йилдан эътиборан бу ичимликни Ўзбекистонда лицензия асосида ишлаб чиқариш бошланган.
Тантанали очилиш маросимида сўзга чиққан Қибрай тумани ҳокими Мираъзам Мирқосимовнинг айтишича, Flash Up Energy заводининг очилиши туман иқтисодиёти ривожига сезиларли даражада ҳисса қўшади.
«Қибрай туманида нафақат Ўзбекистонда, балки дунё миқёсида танилиб, ўзининг кенг аудиториясига эга бренд корхоналари фаолият олиб боради. Бугун сизлар билан яна бир йирик лойиҳанинг Қибрай туманида фаолияти бошланишига гувоҳ бўлиб турибмиз. Flash Up Energy бренди остида ойига 10 миллион дона маҳсулот ишлаб чиқариш қувватига эга бўлган, хорижий инвестиция иштирокидаги «Eurasia Bottlers» МЧЖ хорижий корхонаси фаолиятининг Қибрай туманида давом этиши шахсан биз учун қувонарли ҳолат. Ушбу корхонанинг технологик ускуналари Германия, Латвия, Туркия каби ривожланган давлатлардан келтирилган бўлиб, йилига 120 миллион дона маҳсулот ишлаб чиқариш учун мўлжалланган. Ушбу маҳсулотлар МДҲ давлатлари билан бир қаторда бир неча Европа давлатларига экспорт қилиниши режалаштирилган. Лойиҳанинг амалга оширилиши учун 4 миллион евро миқдоридаги хорижий инвестициялар жалб қилинган. Мен учун янада қувонарли ҳолат шундан иборатки, ушбу корхонада 100 дан зиёд ёшлар иш билан таъминланди», — дейди очилиш маросимида сўзга чиққан Қибрай туман ҳокими Мираъзам Мирқосимов.
Baltika компаниясининг экспорт савдолари бўйича катта директори Алла Манякина Александровна ўз навбатида завод очилиши учун зарур шарт-шароитларни яратиб берган маҳаллий ҳукумат вакилларига миннатдорчилик билдирди.
«Ўзбекистонда бренд маҳсулотлари лицензия асосида ишлаб чиқарилади. Лицензия битими икки компания ўртасида имзоланган. Маҳсулот Baltika гуруҳи менежерлари томонидан ўрнатилган қатъий сифат назорати остида ишлаб чиқарилади. Маҳсулот нафақат сифатли, балки Ўзбекистон истеъмолчилари учун ҳамёнбоп нархларда бўлади. Ахир айнан маҳсулотни ҳамёнбоп қилиш истаги шеригимизнинг уни Ўзбекистонда ишлаб чиқариш режасини амалга оширишига туртки бўлди. Маҳаллий ишлаб чиқариш туфайли биз логистика харажатларидан халос бўламиз, маҳсулотни максимал даражада, сарҳил ҳолда истеъмолчига етказиб берамиз, чунки ичимлик дўкон расталаридан жой олгунича атиги бир-икки кун вақт талаб қилинади.
Сизларга бизнинг ҳамкорлигимиз тарихини қисқача сўзлаб бермоқчиман. Бу ҳамкорликнинг бошланиши 1998 йилларга бориб тақалади. Ўшанда бизнинг Ўзбекистондаги ҳамкоримиз биздан улгуржи нархда пиво сотиб олар эди. Бу тарихда қолди. Ҳозирги кунда эса бизнинг олдимизда қудратли тузилма, ишлаб чиқарувчи, дистрибьютор ҳамда энергетик ичимликлар ишлаб чиқариш бўйича етакчи турибди. Сизларга Baltika’нинг экспорт бўйича директори сифатида шуни айтмоқчиманки, Ўзбекистон биз яъни Baltika учун экспорт савдоларида биринчи рақамли мамлакат ҳисобланади. Биз эса дунёнинг 75 та мамлакати билан ҳамкорлик қиламиз. Бу 256 та компания дегани. Шундай катта рўйхат орасида Ўзбекистон биринчи ўринда туради. Ўз ўрнида ушбу лойиҳани амалга оширишда барча шарт-шароитларни яратиб берган маҳаллий бошқарув органлари вакилларига миннатдорчилик билдираман», — дейди компаниянинг экспорт савдолари бўйича катта директори Алла Манякина Александровна.
«Daryo.uz» мухбири Алла Манякинадан қисқача интервью олишга муваффақ бўлди.
— Инвестиция миқдори қанча? У Baltika компаниясига тегишлими ёки ҳамкорга?
— Инвестиция миқдори 4 миллион евродан кўпроқни ташкил этади. Бу бизнинг шеригимизнинг инвестицияси. Биз эса билим ва маслаҳатларимиз билан ёрдамлашамиз.
— Бу Ўзбекистонда энергетик ичимлик ишлаб чиқариш билан боғлиқ биринчи тажрибами?
— Биласизми, бу биринчи тажриба эмас. Биз аллақачон ҳамкоримиз билан ушбу ичимликни Ўзбекистонда ишлаб чиқариб келмоқдамиз. Бироқ у ишлаб чиқаришдан, ҳозирги ишлаб чиқаришнинг фарқи шундаки, бу завод бевосита, 100 фоиз бизнинг шеригимизга тегишли.
— Flash Up Energy’нинг қандай турлари ишлаб чиқарилади? Энергетикми ёки лимонад?
— Ҳозирча фақат энергетик ичимлик ишлаб чиқарилади. Лимонад ҳали режада йўқ.
— Маҳсулотни қўшни давлатларга экспорт қилиш режалаштириляптими?
— Биласизми, ҳозирги кунда биз фақат Ўзбекистондаги талабни қондириш ҳақида ўйлаяпмиз. Лекин келгусида эскпортни бошлаш режада бор.
— Россияда ичимликнинг мавқеи қандай?
— Flash Up Energy Россияда етакчи мавқега эга. У умумий истеъмол бозорининг 20 фоиздан кўпроғини эгаллаган.
— Flash Up Energy яна қайси мамлакатларга етказиб берилади ҳамда қаерда лицензион ишлаб чиқариш мавжуд?
— Baltika компанияси дунёнинг 75 та мамлакати билан ҳамкорлик қилади. Бироқ маҳаллий, лицензион ишлаб чиқариш фақат Ўзбекистонда мавжуд. Бундан биз жуда хурсандмиз.
Очилиш маросимидан сўнг йиғилганлар учун заводга кичик саёҳат ҳам ташкиллаштирилди. Тадбир иштирокчилари Flash Up Energy ичимликлари қандай ишлаб чиқарилишини ўз кўзи билан кўрди. Шунингдек, улар Flash Up Energy ичимликлари барча сифат талабларига мос равишда истеъмолчига етказилишига ишонч ҳосил қилишди.
18 ёшга тўлмаган, катта ёшли кишилар ва қарияларга, гипертоник касалликларга чалинган, юрак фаолияти бузилган, тез-тез асабийлашадиган, атеросклерозга чалинган беморларга, уйқусизликка учраган шахсларга, ҳомиладор ва эмизикли аёлларга тавсия этилмайди. Таркибида бўёқ моддаси мавжуд бўлиб, у болаларнинг фаоллиги ва диққатига салбий таъсир кўрсатиши мумкин. Суткасига бир банкадан камроқ миқдорда истеъмол қилиш тавсия қилинади. «Inter Food Plus» МЧЖ хизмат кўрсатади. Маҳсулот сертификатланган.
Реклама ҳуқуқи асосида.
Изоҳ (0)