Видео: Lamborghini’нинг синовдан ўтказилаётган махфий суперкари
Lamborghini компанияси ўзининг махфий моделини йўлларда синовдан ўтказишни бошлади. Версиялардан бирига кўра, гап 770 от кучига эга бўлган Jota номи остидаги Aventador S’нинг экстремал версияси ҳақида кетмоқда, деб хабар беради Motor.
Aventador S кузовидаги камуфляжланган прототип модель учун ностандарт диффузор ва газ чиқариш тизимига эга бўлган — афтидан, у SVJ’дан олинган. Дастлабки маълумотларга кўра, автомобиль 770 от кучига эга 6,5 литрли V8 бензин двигатели ёрдамида ҳаракатга келади.
Jota версияси ҳозирги Aventador учун сўнггиси бўлади. 2024 йилдан бошлаб Lamborghini’нинг барча моделлари компаниянинг зарарли чиқиндилар миқдорини камайтириш борасидаги стратегияси доирасида электрлаштирилган двигателларга ўтади. Huracan, Aventador ва Urus кроссовери гибрид моторга эга бўлади, шунингдек, марка линейкасида 2025 йилга бориб тўлиқ электрлаштирилган суперкарлар пайдо бўлади.
Мавзуга доир: Lamborghini компанияси ўз заводи ҳудудида 600 000 асаларига мўлжалланган уяларни барпо этди
