Дельфин, смайлик ва бумеранг: Антиқа шаклга эга экани билан ўзига хос бўлган ороллар (фото)
Ажойиб кўринишга эга бўлган ороллар суратига назар ташлаб, табиатдан-да яхшироқ рассом йўқлигига амин бўлиш мумкин.
Балиқ шаклидаги орол
Хорватияга дам олиш учун борган сайёҳлар Бриони оролларининг юқоридан кўринишидан завқланиши аниқ. 10 та оролни ўз ичига оладиган асосий комплексда олимлар икки юзга яқин динозаврлар изини топишга муваффақ бўлган. Ундаги ороллардан бирининг кўриниши эса балиқ шаклини эсга солади.
Смайлик
Манукан, Мамутик ва Сулуг оролларининг юқоридан кўриниши смайликка ўхшайди. Мазкур ороллар сув остида сузиш имконияти мавжудлиги билан ҳам машҳур. Мазкур ороллар Малайзиянинг Кота-Кинабалу шаҳри яқинида жойлашган.
Дельфин
Италиядаги Ли Галли оролининг юқоридан кўриниши дельфинни эсга солади. Қадимги юнон афсоналарида бу оролда сув парилари яшагани айтилган ва айнан шу сабаб ҳам орол Sirenusas (юнон мифологиясида сув париси) ороли деб ҳам аталади.
Тошбақа-орол
Мазкур орол нафақат шаклининг оролга ўхшаши, балки ҳалигача вулқонлар отилиши билан яхши маълум. Илань округидаги энг катта мазкур оролга саёҳатчилар табиатнинг ҳақиқий мўъжизасини кўриш учун ҳам ташриф буюради.
Вертолёт шаклидаги орол
Филиппиндаги мазкур орол шаклининг вертолётга ўхшаши билан сайёҳларни ўзига жалб этади. Тропик ўрмонлар билан қопланган мазкур оролнинг кўриниши соҳил ва соҳилларнинг ранги оқ экани ва мовий рангли сув билан умумлашиб, янада ўзига хос кўринади.
Бумеранг-орол
Филиппин, Малайзия ва Вьетнамнинг жанубий қисми ўртасида жойлашган Спратли оролларидан бири шаклининг бумерангга ўхшаши билан бошқаларидан ажралиб туради. Газ ва нефть конлари бор бўлган мазкур ороллар комплекси қайси мамлакатга қарашли экани ҳали ҳамон аниқ эмас.
