«Агробанк» рақамлаштириш жараёнида фаол иш олиб бормоқда
Кундалик ҳаётимизда трансформация, рақамлаштириш, масофавий бошқариш стратегияси ривожланишнинг асосий босқичига айланиб улгурди. Бугунги бозор талаби, истеъмолчилар истаги замонавий ахборот технология ютуқларидан самарали фойдаланишни тақоза этмоқда.
«Агробанк» ҳам банк хизматларини рақамлаштиришга, масофавий хизматлар кўламини оширишга катта эътибор бериб келмоқда. Ушбу муҳим ташаббусларни амалиётга жорий этишда, бир қатор замонавий хизматларни Ўзбекистонда биринчилардан бўлиб ҳаётга тадбиқ этиб келаётганлигини эътироф этишимиз ўринли.
Банк томонидан яқинда жорий қилинган шундай қулайликлардан бири картомат қурилмасидир. Мазкур қурилма мижозларга қисқа вақт режимида, тун-у кун банк ходимларининг ёрдамисиз, мустақил равишда Visa карталарни олиш имкониятини беради.
«Агробанк» сўнгги йилларда мамлакатимиздаги банк хизматлари соҳасида биринчилардан бўлиб тақдим қилган хизматларни бир эслаб ўтсак:
- «Сбербанк» билан ҳамкорликда, Россиядан Ўзбекистонга Uzсard ва Humo карталарига пул ўтказиш;
- Humo ва Uzcard карталаридан Россия карталарига пул ўтказиш;
- онлайн микроқарз хизмати;
- Humo кредит карталари;
- мультивалютада Visa карталари;
- Humo ва Uzсard тўлов тизимларида, Click билан ҳамкорликда кобренд карталари;
- юридик шахслар учун онлайн кредитлар;
- мобил илова орқали исталган банкнинг ҳисоб рақамларига пул ўтказиш хизматлари шулар сирасидандир.
«Агробанк» АТБ матбуот хизмати
Реклама ҳуқуқи асосида.
