Швециялик олимлар онаси COVID-19 билан касалланган янги туғилган чақалоқ организмида SARS-CoV-2 вирусининг янги мутацияси мавжудлигини аниқлади. Бу ҳақда The Conversation нашри хабар тарқатган.
Ҳомиладор аёл Малмёдаги касалхонага олиб келинган ва унинг қорин соҳасида кучли оғриқ кузатилган. Болада аномал даражадаги паст юрак частоталарининг қисқариши кузатилган, натижада чақалоққа кислород етиб бориши қийинлашган. Аёл кесарча кесиш йўли билан операция қилиниб, ундан коронавирусга таҳлиллар олинган. Вирус геномлари текширилганда боланинг туғилишидан аввал, яъни она қорнидалиги вақтида коронавирусга чалингани аниқланган.
Дастлабки таҳлиллар она ва чақалоқнинг организмидаги вируслар бир хил эканлигини кўрсатди, бироқ бир неча кун ўтгач шифокорлар чақалоқдаги инфекция популяцияси ўзгарганининг гувоҳи бўлди. Болада дастлабки вирусдан фарқли янги штамм бор бўлиб чиқди.
«Бу коронавируснинг ғайриоддий шароитларда, яъни онадан болага у туғилишидан олдин ўтиши билан боғлиқ биринчи генетик ўзгариш», — деган Лунд университети шифохонаси акушер-гинекологи Мехрен Зайган.
Олимнинг қайд этишича вирусларнинг мутацияси тез-тез учраб туради, аммо А107G номини олган штамм бола туғилганидан беш кун ўтгач вужудга келган. Зайгам вируснинг ўзгариши чақалоқнинг она қорнидаги ҳаётидан кейин янги ташқи олам билан мулоқотга киришгани билан боғлиқ бўлиши мумкинлигини тахмин қилган.
Тиббиёт ходими вируснинг она плацентасини зарарлагани, у яллиғлангани, коронавирус оқсили киндик ва ҳомила томонларида топилганини билдирган.
Она коронавирус инфекциясидан жуда тез тузалган, у туғруқдан тўрт кун ўтиб тўлиқ соғайди, лекин чақалоқ бир неча куни давомида шифокорлар назорати остида бўлди, бунга гўдакнинг белгиланган муддатдан олдин туғилгани сабаб бўлди. Бироқ чақалоқда вирусга қарши антитаначалар пайдо бўлди ва касаллик жиддий асоратларсиз кечди. Кейинчалик коронавирусдан ҳимояни она сути эмас (сут таркибида антитаначалар аниқланмаган), балки боланинг иммун тизими мустақил равишда таъминлагани маълум бўлди.
Мавзуга доир: