Travel Photographer of the Year 2020 танловининг ғолиблари аниқланди. Унда иштирокчилар ҳакамлар ҳайъати сайёранинг турли бурчакларида олинган суратларини тақдим қилган. Россиялик Владимир Алексейев «Йил саёҳат фотосуратчиси» деб топилган. Қуйида танловга тақдим қилинган ва энг яхши деб топилган суратлар кетма-кетлигини эътиборингизга ҳавола этамиз.
Владимир Алексейевнинг Ямалда олинган «Кийик боқувчилар» сурати
Владимир Алексейев, шунингдек, 2015 йилдаги қуёш тутилишини Шпицбергенда кадрга муҳрлаган ва ушбу сурат ҳам энг яхшилардан бири деб топилган.
15—18 ёшлилар орасида «Йил саёҳат фотосуратчиси» деб америкалик 17 яшар Бен Скаар топилган. Нью-Гемпшир тоғларидан туриб ушбу манзарани кадрга муҳрлаш учун икки кеча машинада тунашига тўғри келган.
«Йилнинг энг ёш саёҳат фотосуратчиси» деб покистонлик 12 яшар Индиго Ламур топилган. У томонидан олинган суратда Лахорда жойлашган Вазир Хон масжидини оқ-қора рангларда кўриш мумкин.
14 ёшгача бўлган «Энг яхши саёҳат йўналишидаги фотосуратчи» деб эса испаниялик 11 яшар Мигель Санчес Гарсия топилган. Мултиэкспозиция услубидаги сурат 8 та кадрдан ташкил топган.
«Ҳаёт ранглари» йўналиши бўйича эса британиялик Питер Уольсми ғолибликни қўлга киритган. Унинг Бангалорда жойлашган бозорнинг тепасидан олган кадрида ранглар умумлашмаси ва одамлар билан гавжум кўчани кўриш мумкин.
«Пейзажлар ва ердаги элементлар» йўналиши бўйича эса италиялик Алессандро Карбони энг яхши деб топилган.
Акула ва балиқларни кадрга муҳрлашга муваффақ бўлган грециялик Павлос Евангелидис «Табиат, денгиз ҳаёти ва ёввойи олам» йўналиши бўйича ғолибликни қўлга киритган.
«Оламдаги одамлар» йўналиши бўйича эса фотожурналист Мунеб Таим энг яхши деб топилган.
Британиялик Дэвид Ньютоннинг қояга урилган сув тошқинларини кадрга муҳрлагани ҳам ҳакамлар ҳайъатининг диққатини тортмай қолмаган.
Испаниялик суратчи Жоржи Коэннинг ишлари эса «Саёҳатчининг портфолиоси» йўналишида эътирофга сазовор бўлган.
Австралиялик Жеймс Смарт томонидан олинган сурат эса «Пейзажлар ва ер элементлари» бўйича ғолиб деб топилган.
Австриялик Марко Штайнернинг суратлари ҳам «Табиат, денгиз ҳаёти, ёввойи олам» йўналишидаги энг яхши ишлардан бири бўлган.
«Оламдаги одамлар» йўналишида эса Эдди Верлоэснинг суратлари энг яхши кадр деб топилган.
iTravelled йўналиши бўйича эса телефон, планшет камерасида суратга олинган суратлар орасидан энг яхши деб бангладешлик Азим Хон Роннининг ишлари саралаб олинган.
«Уй яқинида олинган кадр» йўналишида эса италиялик Пьер Додининг суратлари ҳакамлар диққатини тортган.
Филиппинлик Марк Энтони Агтай эса «Ёлғизлик» йўналиши бўйича энг яхши деб топилган.
«Саёҳатчининг портфолиоси» йўналишида эса британиялик Пол Сансом ғолиб деб топилган.
Изоҳ (0)