Футбол бўйича Италия Кубогининг чорак финалида «Ювентус» 27 январь, чоршанба куни СПАЛни қабул қилди.

Фото: Twitter

Учрашувнинг 16-дақиқасида Альваро Мората туринликларни олдинга олиб чиққан бўлса, 33-дақиқада Жанлука Фработта майдон эгаларининг иккинчи голини урди.

78-дақиқада Деян Кулусевски  ҳисобни йирик кўринишга олиб келди. Ҳакам томонидан қўшиб берилган вақтда Федерико Кьеза якуний ҳисобни ўрнатди — 4:0.

Яна бир ўйин «Аталанта» ва «Лацио» жамоалари ўртасида кечди. Учрашув дебютида олдинга ўтиб олган бергамоликлар кейинчалик ўз дарвозасидан иккита олиб чиқди. Бўлим якунланиши арафасида Руслан Малиновский мувозанатни тиклади.

Иккинчи бўлим бошида Хосе Луис Паломинонинг четлатилишидан кейин «Аталанта» бир ўйинчи кам бўлиб қолди. 57-дақиқада Алексей Миранчук мезбонларнинг учинчи голини урди. Қолган вақтда Бергамо клуби ҳисобни ушлаб қолди ва кейинги босқичга йўл олди.

Италия Кубоги

Чорак финал баҳслари

27 январь, чоршанба

«Ювентус» — СПАЛ 4:0

Голлар: 1:0 – 16, пенальти Мората, 2:0 – 33 Фработта, 3:0 – 78 Кулусевски, 4:0 – 90+4 Кьеза.

«Ювентус»: Буффон, Фработта (Алекс Сандро, 67), де Лигт, Демирал (Да Грака, 83), Дрегушин, Кулусевски, Рабьо, Бернардески (Ди Пардо, 46), Рэмзи, Фажоли (Маккенни, 87), Мората (Кьеза, 67).

СПАЛ: Бериша, Дикманн, Околи, Викари (Томович, 46), Серникола, Эспозито (Валоти, 66), Миссироли (Вивиани, 86), Ранери (Сала, 46), Флоккари (Моро, 66), Бринёла, Сек.

Огоҳлантиришлар: Серникола (50), Валоти (80), Кьеза (81), Рабьо (85).

«Аталанта» — «Лацио» 3:2

Голлар: 1:0 – 7 Гимшити, 1:1 – 17 Мурики, 1:2 – 34 Ачерби, 2:2 – 37 Малиновский, 3:2 – 57 Миранчук.

«Аталанта»: Голлини, Гозенс, Паломино, Гимшити, Меле (Калдара, 88), Миранчук (де Рон, 59), Фройлер, Малиновский (Сапата, 59), Пессина, Ромеро, Муриэль (Толои, 63).

«Лацио»: Рейна, Худт (Иммобиле, 71), Ачерби, Габаррон (Пароло, 46), Марушич, Эскаланте (Корреа, 62), Милинкович-Савич, Фарес (Лаццари, 46), Акпа-Акпро, Перейра (Лулич, 81), Мурики.

Огоҳлантиришлар: Ромеро (11), Малиновский (16), Габаррон (21), Фарес (22), Эскаланте (56).

Четлатиш: Паломино (53).

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!