Болгария пойтахти София шаҳрида фуқароларнинг умуммиллий норозилик намойиши бошланди. Намойишчилар коронавирус пандемияси сабаб ресторан ва кафелар фаолиятига қўйилган тақиқни бекор қилиш талаби билан чиққан, дея хабар қилган «ТАСС».
Мамлакатнинг турли шаҳарларидан келган юзлаб намойишчилар Софиядаги «Озодлик марши» томон ҳаракатланган ва 1 февралдан бошлаб ресторан-у кафелар фаолиятини юритишига рухсат берилишини талаб қилмоқда. Полициячилар уларни ҳукумат ва мамлакат парламенти биносидан узоқлаштирган, шаҳар марказида хавфсизлик тартиби кучайтирилган.
«Бизнинг ягона талабимиз шу – ишлашимизга рухсат берилсин. Ресторанларимиз нима учун ёпиб қўйилганини тушунмаяпмиз, меҳмонхоналардаги ресторанлар эса бир ойдан бери ишлашда давом этяпти, бунда коронавирус билан касалланиш ҳолатлари кузатилмаган», – деган намойиш ташкилотчиларидан бири Эмиль Коларов.
«Чекловларнинг асосий сабаби биз бутунжаҳон молиявий инқирози ҳолатидамиз. Ҳаёт учун курашишда давом этяпмиз ва ҳар бир инсоннинг омон қолиши биз учун жуда муҳим. Биз ўзаро мулоқот ва чекловларни босқичма-босқич юмшатишга тайёрмиз. Ресторан ва кафелар фаолиятини юритишига 1 мартдан рухсат беришимиз мумкин», – деган махсус брифингда Болгария соғлиқни сақлаш вазири Костадин Ангелов.
Ливан ва Нидерландияда локдаунга қарши намойишлар бўлиб ўтаётгани, ўнлаб одамлар жароҳатланиб, юзлаб кишилар ҳибсга олингани ҳақида хабар берилганди. Нидерландия бош вазири Марк Рютте мамлакатда юз берган тартибсизликларни қоралаган.
Мавзуга доир: Амстердамдаги тартибсизлик пайтида портлашлар юз берди
Изоҳ (0)