Бугун,

  • USD 11095.31
  • RUB 173.84
  • EUR 10772.44

АҚШда коронавирусга қарши вакцинани етказиб бериш келаси ҳафта бошланиши мумкин. Бу ҳақда мамлакат президенти Дональд Трамп чет элдаги Америка контингенти билан видеоалоқа орқали мулоқот қилиш чоғида айтиб ўтди, деб ёзади «РБК».

Фото: Getty Images

Фото: Getty Images

Трампнинг сўзларига кўра, биринчи бўлиб вакцина шошилинч хизматлар ходимларига, тиббиёт ходимларига ва кекса ёшдаги фуқароларга етказилади.

Аммо президент гап айнан қайси дори ҳақида бораётганига аниқлик киритмади.

АҚШда Johnson & Johnson, AstraZeneca, Moderna ва Pfizer BioNTech билан ҳамкорликда ўз вакциналарини синовдан ўтказмоқда.

Аввалроқ АҚШ президентининг вакцина ишлаб чиқиш бўйича маслаҳатчиси Монсеф Слауи АҚШ аҳолисини коронавирусга қарши эмлаш кампанияси 11 декабрда бошланиши мумкинлигини айтган эди. Унинг айтишича, Pfizer компанияси Озиқ-овқатлар ва дорилар сифати устидан санитар назорат бошқармаси (FDA)да ўз вакцинасидан фавқулодда вазиятларда фойдаланиш учун рўйхатдан ўтказишга ариза берди. Шу масала юзасидан йиғилиш 10 декабрга белгиланган.

АҚШнинг Pfizer компанияси Германиянинг BioNTech компанияси билан биргаликда ишлаб чиқарилган COVID-19’га қарши вакцинанинг самарадорлиги 95 фоизни ташкил этишини маълум қилди. Компания маълумотларига кўра, вакцина синовда қатнашаётган кишининг ёши, ирқи ва миллатидан қатъи назар, самарали бўлган. Дастлабки синов натижалари 90 фоиз самарадорликни кўрсатганди.

Шунингдек, ноябрь ойида Американинг Moderna компанияси ўзининг янги коронавирусга қарши вакцинаси синовларнинг учинчи босқичида 94,5 фоиз самарадорлик кўрсатгани ҳақида хабар берди. Россиянинг «Sputnik V» вакцинасини ишлаб чиқарувчилар эса ўзларининг вакцинаси самарадорлигини 92 фоизга баҳолади.

Изоҳ
Asosiy yangiliklar
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди
Маҳаллий
Хоразмда икки киши ис газидан вафот этди