Бир ёшдаги аёл ва эркакларнинг ташқи кўриниши ҳар доим ҳам ёшига мос бўлавермаслиги мумкин. Кимдир бундай натижага жарроҳлик орқали эришса, бошқалар спорт ва тўғри овқатланиш орқали тенгдошларидан ёш кўринишга муваффақ бўлади.
Рассел Кроу ва Моника Беллуччи — 56 ёш
Расселнинг кўриниши «Гладиатор»дагидан анча ўзгарган. Аммо Моникага қараб, унинг 56 ёшда эканига ишониш қийин. Албатта, баъзи қариш аломатлари йўқ эмас, аммо унинг латофати ва ҳусни аввалгидек гўзал.
Бред Питт ва Эль Макферсон — 56 ёш
Бредга ҳеч ким 56 ёш бермайди. Макферсоннинг ҳам ушбу ёшга нисбатан кўриниши, қомати чакки эмас.
Мэттью Макконахи ва Женнифер Энистон — 51 ёш
Актёр озганидан кейин каттароқ кўринаётган бўлса ҳам, кўриниши ҳали-ҳамон кўркам. Тенгдоши Энистон эса худди ўзгармагандек. Бундай натижага у тўғри овқатланиш ва спорт сабаб эришган.
Жорж Клуни ва Мег Райан — 59 ёш
Мег ёш ва гўзал бўлиб қолиш учун пластик жарроҳлигига мурожаат қилган, актёр Клуни эса фақатгина кўзи атрофидаги ажинларни кетказиш муолажасини олиб туради.
Кичик Роберт Дауни ва Элизабет Херли — 55 ёш
Элизабет ёшига нисбатан 10 ёш кичик кўринади. Робертнинг ташқи кўриниши эса 55 ёшга мос.
Венсан Кассель ва Холли Берри — 54 ёш
Холлининг ташқи кўринишига назар ташлаб, унда ёшлик элексири бор деган хулосага келиш мумкин. Венсаннинг кўриниши эса ўз ёшига мутаносиб.
Хью Жекман ва Наоми Уоттс — 52 ёш
Уларнинг ҳар иккиси ҳам тенгдош эканлиги билиниб туради. Наоми ҳам Хью ҳам ёшига мос ташқи кўриниш, шу билан бирга, истарага эга шоу-бизнес вакиллари. Актёр бундай натижага эришиш учун тўғри овқатланиш ва спорт машқлари билан шуғулланади.
Том Хэнкс ва Ким Кэтролл — 64 ёш
Актёр ёш кўриниш учун ҳеч қандай жарроҳлик амалиётларидан фойдаланмайди. Ким эса аксинча, гўзаллик инъекцияларини канда қилмайди.
Жон Траволта ва Кристи Бринкли —66 ёш
Актёрнинг кўриниши ёшига мос, унинг тенгдоши Кристини эса ҳеч ким сал кам 70 ёш демайди. Бу ёшда 40 ёшдек кўриниш ҳаммага ҳам эмас.
Мавзуга доир:
