Футбол бўйича УЕФА Миллатлар Лигасининг 3-туридан ўрин олган бир қатор ўйинлар 11 октябрь, якшанба куни бўлиб ўтди.
Англия терма жамоаси ўз майдонида Бельгияни қабул қилди. Дастлаб меҳмонлар Ромелу Лукакунинг пенальтидан урган голи эвазига 16-дақиқада олдинга ўтиб олди. Биринчи бўлим якунланиши арафасида инглизлар ҳам 11 метрлик жарима зарбаси ишлади, уни Маркус Рэшфорд муваффақиятли бажарди.
64-дақиқада Мэйсон Маунтнинг берган зарбасидан кейин тўп ҳимоячига тегиб ўз йўналишини ўзгартирди ва бельгияликлар дарвозасидан ўрин олди. Шу билан ҳисоб ўйин якунига қадар ўзгармади.
Нидерландия терма жамоаси сафарда Босния ва Герсеговинага қарши баҳс олиб борди. Учрашувда жамоалар нурсиз дурангга имзо чекди.
Хорватия терма жамоаси Швеция билан ўйнади. Россия Премьер Лигаси вакиллари Никола Влашич ва Маркус Берг томонидан урилган голлар дурангни таъминлаётган эди. Бироқ хорватлар сўнгги дақиқаларда Андрей Крмаричнинг голи эвазига ғалабани илиб кетди.
Норвегия терма жамоаси Руминия дарвозасига жавобсиз тўртта тўп киритди. Голларнинг учтасига Эрлинг Ҳоланд муаллиф бўлди.
Миллатлар Лигаси
3-тур баҳслари
11 октябрь, якшанба
Босния ва Герсеговина — Нидерландия 0:0
Босния ва Герсеговина: Шехич, Саничанин, Кадушич (Колашинац, 46), Тодорович, Ҳажикадунич, Крунич (Ҳожич, 75), Пьянич (Лончар, 75), Симирот, Гояк, Журич (Жеко, 61), Татар (Ҳажиахметович, 54).Нидерландия: Силлессен, Думфрис (Ҳатебур, 70), Блинд (Аке, 86), ван Дейк, де Врей, Вейналдум, де Рон, де Йонг, Промес (Бабел, 86), Мален (Бергейс, 69), Люк де Йонг.
Огоҳлантиришлар: Кадушич (44), де Рон (86), Ҳожич (90).
Англия — Бельгия 2:1
Голлар: 0:1 – 16, пенальти Лукаку, 1:1 – 39, пенальти Рэшфорд, 2:1 – 64 Маунт.Англия: Пикфорд, Уокер, Магуайр, Триппьер, Дайер, Ҳендерсон (Филлипс, 66), Маунт (Санчо, 89), Райс, Александер-Арнольд (Жеймс, 79), Рэшфорд, Кэлверт-Льюин (Кейн, 66).
Бельгия: Миньоле, Кастань, Алдервейрелд, Боята, Менье, де Брюйне (Версхарен, 73), Тилеманс, Карраско (Доку, 83), Витцель, Денаер, Лукаку.
Огоҳлантиришлар: Райс (32), Менье (38).
Хорватия – Швеция 2:1
Голлар: 1:0 – 31 Влашич, 1:1 – 66 Берг, 2:1 – 84 Крамарич.Норвегия — Руминия 4:0
Голлар: 1:0 – 13 Ҳоланд, 2:0 – 39 Серлот, 3:0 – 64 Ҳоланд, 4:0 – 74 Ҳоланд.Финляндия — Болгария 2:0
Голлар: 1:0 – 52 Тэйлор, 2:0 – 67 Йенсен.Арманистон — Грузия 2:2
Голлар: 1:0 – 6 Байрамян, 1:1 – 46 Качарава, 1:2 – 74 Окриашвили, 2:2 – 89, пенальти Мхитарян.Эстония — Шимолий Македония 3:3
Голлар: 0:1 – 3, автогол Кууск, 1:1 – 33 Саппинен, 2:1 – 61 Саппинен, 3:1 – 76, пенальти Лийвак, 3:2 – 80 Пандев, 3:3 – 87 Зайков.Литва — Беларусь 2:2
Голлар: 1:0 – 7 Новиковас, 1:1 – 59, пенальти Lisaкович, 1:2 – 66 Сачивко, 2:2 – 75 Лаукжямис.Ирландия — Уэльс 0:0
Қозоғистон — Албания 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)