АҚШда ҳар йили арзонга харид қилинган ва ўзгача услубдаги ғилдираклар устидаги объектга айлантирилган эски автомобиллар иштирокида 24 Hours of LeMons пойгаси ўтказилади. Сўнгги пойганинг энг қизиқарли нусхаларидан бири Hot Tub Lincoln — 1972 йилда ишлаб чиқарилган ва салони иситиладиган ваннага айлантирилган Continental Маrk IV бўлди, деб хабар беради Motor.
Кадр: YouTube
Мазкур купе 600 долларга харид қилинган. Уни қайта жиҳозлаш жараёнида автомобилнинг том қисми олиб ташланган, салони шиша тола билан қопланган, барча тешиклари герметикланиб, руль колонкаси ва тепкилари сув ўтказмайдиган материаллар билан ўралган. 2650 литр сувни ташишда керак бўладиган машинани ҳаракатга келтирувчи қисмлари ҳам ўзгаришга учраган: машинанинг роми кучайтирилган ва пружинали подвеска ўрнатилган.
Салоннинг янги қопламаси намликни ушлашга қодир, бироқ купе жойидан қимирлаши билан сув атрофга тўкила бошлайди — ҳайдовчи бунга кўникишга мажбур.
Ҳаракат вақтида музлаб қолмаслик учун машина ичидаги ванна иситиладиган қилиб ишланган. Бунинг учун совитувчи суюқлик шланглари салонга двигатель орқали тортилган. Аммо тизим самарали бўлиб чиқмаган: бир неча километрдан сўнг сув эски V8 сабаб зангга тўлиб кетган.
Аввалроқ АҚШнинг 35-президенти Жон Кеннеди минган сўнгги Lincoln Continental лимузини сотувга қўйилгани тўғрисида хабар берилганди.
