Сирдарё вилояти Сирдарё тумани ҳудудида 8 сентябрь куни ҳожатхона қоғози олиб кетаётган юк машинасида ёнғин юз берди. Бу ҳақда Фавқулодда вазиятлар вазирлиги хабар берди.
Фото: Фавқулодда вазиятлар вазирлиги
Маълум қилинишича, воқеа 8 сентябрь куни соат 15:20 да Тошкент — Душанбе халқаро автомагистралининг 83-километрида содир бўлган.
Қайд этилишича, «КамАз» русумидаги юк автомобили бортида олиб кетилаётган ҳожатхона қоғози кутилмаганда ёниб кетган. Уч дақиқа ичида ҳодиса жойига ҳудудий Фавқулодда вазиятлар бошқармаси ёнғин-қутқарув хизмати ходимлари етиб келган ва 10 дақиқа ичида юзага келган ёнғинни бартараф этган.
Фото: Фавқулодда вазиятлар вазирлиги
Таъкидланишича, қутқарувчиларнинг тезкор ҳаракатлари натижасида юкнинг ярмини сақлаб қолишга эришилди. Ҳозирда мутахассислар томонидан ёнғин сабаблари ўрганилмоқда.
