Ўзбекистон бундан 29 йил олдин Мустақиллик йўлига қадам қўйган эди ва шу давр давомида мамлакатнинг иқтисодий ва ижтимоий ривожланиши борасида жуда катта ютуқларга эришилди. Huawei компанияси эса республикада 20 йилдан бери ўз фаолиятини юритиб келмоқда ва бу ҳам оз мунча муддат эмас. Ўтган мана шу йиллар давомида компания Ўзбекистоннинг АКТ инфратузилмасини ривожлантириш ва мустаҳкамлашда ўзининг улкан ҳиссасини қўшди. Huawei компанияси Ўзбекистонда C&C08 ускуналарини етказиб бериш ва Тошкент шаҳрида автомат телефон станцияларини кенгайтириш бўйича илк лойиҳалардан тортиб 2G, 3G, 4G тармоқларини ўрнатиш бўйича барча алоқа операторлари билан ҳамкорлик қилишгача бўлган алоқа тармоқларини ривожлантириш ишларида, шунингдек, бешинчи авлод алоқаларини ишга тушириш бўйича тажриба лойиҳаларини амалга оширишда иштирок этди. Муҳим лойиҳаларни амалга ошириш 2000 йилда бошланган эди, аммо биринчи ваколатхона 1999 йилда очилган бўлиб, ўша вақтда компания офисида беш киши фаолият юритар эди. Дастлабки йилларда Huawei ходимлари офис анжомларини сотиб олишдан тортиб, ускуналарни ўрнатишгача бўлган барча ишларни ўзлари бажаришган. Бугунги кунга келиб эса, Huawei компанияси Ўзбекистонда ўзининг 300 дан ортиқ ходимларига эга бўлиш билан бирга, ўз фаолиятини амалга ошириш борасида кўплаб пудратчилар ва етказиб берувчилар билан ҳамкорлик қилмоқда.
Узоқ вақт давомида бизнинг компаниямиз фаолияти фақатгина АКТ соҳасида бевосита банд бўлган одамларгагина маълум бўлган бўлса-да, Huawei компанияси ҳар доим АКТ кўргазмаларининг фаол иштирокчиси, шунингдек, Ўзбекистонда IT мутахассисларининг ахборот технологияларини ривожлантириш бўйича билимларини оширишга қаратилган тадбирлар ва тренинглар ташкилотчиси бўлиб келган. Биз 2007 йилда АКТ кўргазмаси пайтида амалга оширилган биринчи 3G қўнғироғи ёки нафақат Ўзбекистон мутахассислари, балки қўшни давлатлардан ташриф буюрган меҳмонлар ҳам иштирок этган WiMax & IMS Road Show тадбири доирасида олиб келинган биринчи кўргазма контейнери каби хотирада қолувчи лаҳзаларни ҳанузгача қадрлаймиз. Бизнинг брендимиз 2011 йил Huawei смартфонлари Ўзбекистон бозорида илк марта пайдо бўлгандан бошлаб кенг доирадаги фойдаланувчиларга маълум бўлди.
Бугунги кунга келиб, биз Ўзбекистоннинг кўплаб ўқув муассасалари билан дўстона алоқалар ўрнатишга муваффақ бўлдик ва биз таълим тизимини рақамлаштириш бўйича иш олиб боришга ва мамлакатимиз ёшларининг ахборот технологияларини ўрганишга астойдил қизиқиб қолишлари учун имконият яратиб беришга тайёр эканлигимизни билдирамиз. Бизнинг «Seeds for the Future» ёки Honor Cup 2020 мусобақаси каби таълим лойиҳаларимиз АКТ соҳасидаги ёш истеъдодларнинг билим даражасини ошириш ва салоҳиятини мустаҳкамлашга қаратилган. Бизнинг мутахассисларимиз ва ечимларимиз, шунингдек булутли ҳисоблаш тизимлари, маълумотлар марказларимиз, Сунъий Интеллект ва «ақлли» шаҳарлар соҳасидаги тўплаган тажрибамиз доимо республиканинг бутун имкониятларини очиб беришга ҳар доим тайёр. Бундан 20 йил аввал бўлгани каби, биз «Ўзбекистон учун, Ўзбекистон манфаати учун» ўз фаолиятимизни юритишда давом этамиз.
Huawei компанияси номидан мамлакатнинг барча аҳолисини Мустақиллик байрами билан табриклайман ва Ўзбекистоннинг янада равнақ топишини ва барча кўзланган мақсадларига эришишини тилайман.
Форрест Лью, Huawei компаниясининг Ўзбекистондаги директори.
Реклама ҳуқуқи асосида.
Изоҳ (0)