Жасур Яхшибоев дубль қайд этган ўйинда «Шахтёр» йирик ҳисобда ғалаба қозонди, «Энергетик-БГУ» эса яна мағлуб бўлди
Футбол бўйича Беларусь чемпионатининг 19-туридан ўрин олган бир қатор учрашувлар 26 июль, якшанба куни бўлиб ўтди.
Солигорскнинг «Шахтёр» клуби ўз уйида «Смолевичи»ни қабул қилиб, йирик ҳисобдаги ғалабани қўлга киритди. Учрашувнинг 9-дақиқасида Никола Антич майдон эгаларини олдинга олиб чиқди. Иккинчи бўлимда «Шахтёр» яна учта гол уришга муваффақ бўлди ва уларнинг иккитасига Жасур Яхшибоев муаллифлик қилди.
61-дақиқада Жасур майдон марказида тўп эгаллаб жарима майдонига ёриб кирди ва дарвозанинг ўнг бурчагини аниқ нишонга олди. 70-дақиқада ўзбекистонлик футболчи рақиб ҳимоясидаги хатодан унумли фойдаланиб, дублини нишонлади.
Шу тариқа учрашувда тўлиқ ҳаракат қилган Жасур чемпионатдаги голлари сонини 12 тага етказиб олди.
«Энергетик-БГУ» ўз уйида «Торпедо» билан баҳс юритди. Аввалига минскликлар олдинга ўтиб олганди: 31-дақиқада Шаҳбоз Умаровнинг узатмасидан кейин Дмитрий Гирс ҳисобни очди. Бироқ меҳмонлар бунга тўртта тўп билан жавоб қайтарди. Мазкур баҳсда Умаров тўлиқ ҳаракат қилди.
Шунингдек БАТЭ клуби «Минск»ни қабул қилиб, рақиби дарвозасига жавобсиз бешта гол урди.
19-турдан сўнг Солигорск жамоаси 37 очко билан 1-ўринда бормоқда. Худди шунча очко тўплаган БАТЭ эса кейинги ўринни банд этган. «Талабалар» эса 7-поғонага тушиб кетди.
Беларусь Олий Лигаси
19-тур баҳслари
26 июль, якшанба
«Энергетик-БГУ» — «Торпедо-Белаз» 1:4
Голлар: 1:0 – 31 Гирс, 1:1 – 2 Премудров, 1:2 – 48, пенальти Премудров, 1:3 – 65 Афанасев, 1:4 – 81 Николаевич.«Шахтёр Солигорск» — «Смолевичи» 4:0
Голлар: 1:0 – 9 Антич, 2:0 – 61 Яхшибоев, 3:0 – 69 Сзоке, 4:0 – 70 Яхшибоев.БАТЭ — «Минск» 5:0
Голлар: 1:0 – 5 Скавиш, 2:0 – 45 Стасевич, 3:0 – 59 Бага, 4:0 – 61 Скавиш, 5:0 – 77 Драгун, 5:0 – 90 Яблонский.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
