Актёрларнинг шоу-бизнесга қадам қўйишига қандайдир туртки сабабчи бўлади. Кимлардир оилавий анъаналарни давом эттирган ҳолда, оила аъзоларининг касб йўлини танласа, баъзилар фильм ва кумирлари ижодидан таъсирланиб фаолиятини санъат билан боғлашни истайди. Эътиборингизга фильм томошаси ҳамда севимли қаҳрамони ижросидан таъсирланиб, ижод қилишни бошлаган актёр ва актрисалар ҳақида маълумот ҳавола этамиз.
Карина Капур
Карина Капур Болливуд афсонаси Шридевининг мухлиси. Капур хоним, Шридевининг ҳаёт йўлида кўтарилиш ва тушишлар бўлган тақдирда ҳам синиб қолмаганига лол қолади ва шу боис ҳам уни тенгсиз деб ҳисоблайди. У ижросидаги «Хийла» фильмидан илҳомланган Карина, актрисанинг ўзини тутиши, қиёфаси, қўшиқ куйлаши, хуллас, ҳамма-ҳаммаси қойилмақом бўлган деб эътироф этади. Роль ижроси давомида унинг жозибаси, узун киприклари, макияжига мафтун қолмай илож йўқ, дейди Карина.
Амитабх Баччан
«Мен саҳнада бўлишни ёқтирганман, лекин фильмлар мени илҳомлантирмаган шунчаки қизиқиш уйғотган. ‘Қоғоз гул’, ‘Ташналик’ фильмлари катта таассурот қолдирган, ‘Рампа оловлари’ фильмининг томошасидан кейин бир неча ҳафта ухлолмаганман, Дилип Кумар суратга тушган ‘Ганга ва Жамна’ фильми ҳам ўзига яраша таассурот қолдирган», — дейди актёр.
Шабана Азми
Шабананинг актриса бўлишига онаси Шаукат Каифи сабабчи бўлган. Онаси унинг болалигида чойшабга ўраб, Притхви театридаги репетицияга ўзи билан бирга олиб кетган. Шабани уч ёшида илк марта кейин эса мактаб ва коллежда саҳнада чиқишга муваффақ бўлган. Шундан кейин муқаддас Ксавер коллежида Жая Бхадури роль ижро қилган фильмни томоша қилганини, унинг ижросидан ҳайратда қолгани ва бунинг таъсирида Пунадаги Кино ва телевидение институтида ўқишга қарор қилганини билдиради.
Видя Балан
Видя Балан, «Англаш» фильмидаги саҳналар, диалоглар, ижро ва қўшиқлардан таъсирланган ва уларни ёддан билади. Айниқса, Пуджа (Шабан Азим) ва Кавита (Смита Патил)нинг телефондаги суҳбати Видянинг энг севимли саҳнаси ҳисобланади.
Ирфон Хон
Ирфон Хоннинг оила аъзолари фильм томоша қилишига рухсат бермаган. Кейинчалик эса, Дилип Кумар ижросидаги «Янги аср» фильми катта таассурот қолдирганини, режиссёр Насируддин Шаҳнинг ҳар бир фильмидан ўзига нимадир олганини маълум қилган.
Изоҳ (0)