«Дарё» таҳририятига Андижон шаҳри Шимолий кичик даҳаси 10-уйда истиқомат қилувчи Мақсудбек Йўлдошев мурожаат қилиб, апластик анемия (илик қуриши) касаллигига чалинган фарзанди Роҳатой Юсуфжонова учун ёрдам сўради.
«Тахминан, бундан бир ярим йил олдин қизимнинг бурнидан кўп қон оқадиган бўлиб қолди. Биз бошида кўп ширинлик егани учун бўлса керак деб ўйладик. Лекин орадан бир йил ўтса ҳамки, қон тўхтамади. Биз уни касалхонага олиб бориб текширтирдик, аммо шифокорлар ташхис қўя олишмади. Бир мунча вақтдан кейин ўтиб кетади, дейишди. Бу орада мен Туркияга ишлагани кетдим.
Бироз вақтдан кейин қизимнинг аҳволи оғирлаша бошлади. Кейин аёлим билан Туркияга келишларини айтдим. Бу ерда қайта текширувдан ўтганимизда, шифокорлар қизимда илик қуриши касаллиги борлигини, операция қилсак, ўтиб кетишини ва жарроҳлик амалиётига 80 минг доллар кераклигини айтишди. Афсуски, бизда бунча маблағ йўқ эди... На илож, Ўзбекистонга қайтиб, Республика гематалогия институтида даволанишни бошладик.
Қизимга ҳозир ‘илик қуришининг оғир ҳолати’ деб ташхис қўйилган. Ҳар уч ойда кимётерапия олиб, даволаниб келади. Дорилари ҳам жуда қиммат. Ҳозир қизалоғим ногиронлар рўйхатида туради.
Ҳар сафар даволангани шифохонага борганимизда, докторлар кимётерапия маълум бир вақт қон фаолиятини яхшилайди, холос, кейин ўз кучини йўқотади деб тезроқ операция қилдиришимизни айтишади. Бироқ бу жарроҳлик амалиёти Россияда 60-70 минг доллар атрофида қилинади.
Россияда устачилик қилиб, пул топардим. Карантин сабаб ишлашга кетолмадим. Аллоҳга шукр, ҳозир ҳам у-бу ерда ‘ремонт’ қилиб, пул топяпман. Лекин бу топганларим рўзғордан ортмаяпти, қанча ҳаракат қилмай орттиролмаяпман...
Ҳатто оддий муолажалар учун ҳам моддий имкониятимиз етмаяпти. Ҳар уч ойда кимётерапия қилдиришимиз керак эди. Лекин мана олтинчи ойга ўтяптики, фарзандимизни даволата олмаяпмиз. Саховатпеша инсонларнинг ёрдамига муҳтожмиз. Биздан қайтмаса, Аллоҳдан қайтсин», — дейди биз билан суҳбатда бемор қизчанинг отаси Мақсуд ака.
Биз барча юртдошларимиздан Роҳатой Юсуфжонованинг соғайиб кетишида ёрдам беришларини сўраб қоламиз.
Роҳатой Юсуфжоновага ёрдам беришни истаганлар учун керакли маълумотлар:
Пластик карта орқали беморнинг отаси
Мақсудбек Йўлдашев номидаИпотека банк: 8600332935713168
Ҳамкорбанк: (VISA) 4231200000822485
Отасининг телефон рақами:
+998934257210
Паспорт маълумотлари:
Юлдашев Маҳсудбек
АБ 0550493
Изоҳ (0)