Саҳоватли инсонлар доимо яхшиликлар қилишга интилиб яшайди. Айниқса, қилаётган бу хайрли амаллар кимнингдир соғлиғини сақлашга, ҳаётини узайтиришга кўмак берса-чи? Ўйлаймизки, инсон учун бундан ортиқ бахт топилмаса керак. Донорларни ана шундай беғараз ёрдам кўрсатувчи эзгу ниятли инсонлар дейиш мумкин.

Фото: Ўзбекистон ёшлар иттифоқи матбуот маркази

Жорий йилнинг 8 июндан бошлаб Республика қон қуйиш маркази ҳамда республикамизнинг марказий тиббиёт бирлашмаларида «Эзгулик, албатта, қайтади» хайрия қон топшириш акциясига старт берилди.

Акция доирасида топширилган қон препаратлари ҳамда дори воситалари Онкология ва гематология марказларида даволанаётган бемор болалар учун ажратилиши режалаштирилган.

Фото: Ўзбекистон ёшлар иттифоқи матбуот маркази

Умуман олганда, донорлик ҳар қандай инсон қилиши мумкин бўлган оддий, лекин чинакам қаҳрамонликдир. Болажонларнинг соғлиғи учун ўз ҳиссасини қўшишни истаганлар ҳудудларидаги марказий тиббиёт бирлашмаларига бориб қон топширишлари мумкин.

Биз барча юртдошларимизни хайрия акциясида фаол иштирок этишга чорлаб қоламиз. Зеро эзгулик, албатта, бир куни қайтади...

 Қўшимча маълумотлар учун тел:

(99) 858-43-42