Саломатлигимиз ўз қўлимизда, буни ҳар доим ёдда тутиш керак. Айниқса қуйидаги одатлар сизга таниш бўлса, бу ҳақда кўпроқ ўйлаш вақти келди, деб ёзади Cosmopolitan нашри.
Фото: Getty Images
Кўп ўтиришни тақозо этадиган ҳаёт тарзи
Суткалар давомида ўтириш — бу организм учун қилиш мумкин бўлган энг ёмон нарсалардан бири. Канадалик олимлар кўп ўтиришни тақозо этадиган ҳаёт тарзи ичак, кўкрак ва ўпка саратони келиб чиқиши хавфини оширади.
Шунинг учун кўпроқ ҳаракат қилишга урининг! Уйда ишлаётган бўлсангиз, пиёда сайр қилишга ҳам вақт ажратинг! Йога ва жисмоний машқлар энг аъло ечим.
Жуда кўп гўшт ва пишлоқ ейиш
Тадқиқотчиларнинг огоҳлантиришича, ҳайвонлар оқсили саратонни келтириб чиқариши мумкин бўлган махсус гормонга эга.
Гўштли таомлардан ёки пишлоқдан бутунлай воз кечиш шарт эмас, бироқ меъёрни унутмаслик керак. Гўшт оқсилини сабзавотларга алмаштиринг. Рационингизга ёнғоқлар ва дуккакли маҳсулотларни қўшинг.
Овқат тайёрлашда газ плитасидан фойдаланиш
Фото: Pixabay
Газ ёрдамида овқат пиширадиганлар ҳар куни азот, углерод ва формальдегиднинг қўшимча дозасини қабул қилади.
Бу моддалар ҳар куни сигарет чекиш орқали кашандалар организмига тушади. Муаммони қандай ҳал қилиш керак? Шунчаки, сифатли газ тортиш мосламасини харид қилинг.
Тана рангини сунъий равишда қорайтиришга ружу қўйиш
Ҳозирда тана рангини сунъий тарзда қорайтириш оммалашган. Агар саломатлигингиз ҳақида қайғурсангиз, терингизни қуёшнинг зарарли нурларидан ҳимоя қилинг ва солярийга боришдан тийилинг. Қуёшли кунларда юзга таркибида SPF мавжуд бўлган крем суришни канда қилманг!
Кам ухлаш
Агар сиз чекмасангиз, фаол ҳаёт тарзини олиб борсангиз, тўғри овқатлансангиз-у, лекин бир кунда 8 соатдан кам ухласангиз, у ҳолда саломатлигингизда муаммолар бўлмаслигига ҳеч ким кафолат бера олмайди. Тартибсиз, бузилган уйқу ритми саратонга чалиниш хавфини келтириб чиқаради. Шунинг учун имкон қадар ҳар куни тўйиб ухлашга ҳаракат қилинг!
