Ўзбекистон спорт курашлари ассоциацияси президенти, халқ орасида «Салимбой» номи билан машҳур бўлган Салим Абдувалиев 5 май куни ўзининг 70 ёшини қарши олди.
Фото: МОҚ
Таниқли функционер таваллуд куни арафасида берган интервьюсида ўз юртига муҳаббати чексиз эканини билдирди.
«Бу дунёда кўплаб воқеликларни бошдан кечирдим ва ҳаётимдан фахрланаман. Ўз ватанини, анъаналарини ва президентини ёқтирмайдиганлар одам эмас, гарчи «одам яхшироқ, балиқ чуқурроқ жойни қидирса» ҳам. Ўз давлатим, ўз ватанимни яхши кўраман, айниқса Тошкентни! Шу билан бирга, ўз раҳбарларим ва қийин дамлар бўлишига қарамай бизга шундай шароит яратиб бераётган Президентимни яхши кўраман. Мен ўз юртимга хизмат қиламан, чунки ота-онам шундай тарбиялаган», — дейди Абдувалиев.
Мавзуга доир:
Маълумот учун, Салим Абдувалиев 1997 йилдан буён Ўзбекистон спорт курашлари ассоциацияси президенти ҳисобланади. Шунингдек, у 2000 йилдан бери Миллий олимпия қўмитаси вице-президенти сифатида ҳам фаолият олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
