Биз ҳавас билан қарайдиган, илҳомланадиган машҳурлар ҳаётида ҳам паст ва баландликлар, касалликлар бўлиши табиий ҳол. Cosmopolitan нашри юлдузлар чалинган жиддий касалликларга тўхталди.

Том Хэнкс

Фото: Cosmopolitan

Актёрга 2013 йилда қандли диабетнинг 2 тури ташхиси қўйилган. Томнинг ўзи ушбу касалликни ёшликдаги хатолар кетидан орттириб олганини тан олади. «Биз нима еяётганимиз ҳақида ўйламаганмиз, соғлиғимизга эътибор бермаганмиз — мана оқибати», — дейди актёр.

Холли Берри

Фото: Cosmopolitan

Қандли диабет билан касалланган яна бир жаҳон юлдузи — Холли Берри. 23 яшар вақтида Холли суратга олиш майдончасида тўсатдан ҳушини йўқотган ва шундан кейингина актриса касаллиги ҳақида билган. Шифохонага олиб борилганида шифокорлар унга қандли диабет ташхисини қўйган. Ушбу «янгилик»дан Холли шокка тушган, чунки унинг оиласида ушбу касалликка чалинганлар бўлмаган. Шунга қарамай у ўзини қўлга олишга ҳаракат қилган ва соғлиғига жиддий эътибор бера бошлаган. Актриса ҳаммаси изига тушишига спорт билан шуғулланиш сабабчи бўлганини таъкидлайди.

Алек Болдуин

Фото: Cosmopolitan

Алекни кўп йиллар давомида суяклардаги оғриқлар безовта қилган ва у ревматизмдан даволанган. Кейинчалик эса унга боррелиоз ташхиси қўйилган.

Жулия Робертс

Фото: Cosmopolitan

Актрисага тромбоцитопения ташхиси қўйилган. Ушбу касалликда қон яхши ивимагани сабаб кичик тирналишлар ҳам катта миқдорда қон кетишига сабабчи бўлиши мумкин. Жулияда биринчи марта 2002 йилда касаллик симптомлари кузатила бошлаган. Актриса фаолиятини давом эттиришига касаллик қаршилик қилолмади ва бугунги кунда у бошқаларни ҳам саломатликка эътиборли бўлишга чақиради.

Хью Жекман

Фото: Cosmopolitan

Афсонавий Хью Жекман тери саратони билан курашиб келади. Ўсма ультрабинафша нурларида ривожлангани сабаб шифокорлар актёрга терисини қуёшдан ҳимоялашни тавсия қилган. Хью Жекман бир неча маротаба кимётерапия ва жарроҳлик амалиётини бошидан ўтказган, бугунги​ кунда эса у ўзини яхши ҳис қилишини таъкидлайди.

Селена Гомес

Фото: Cosmopolitan

Селенага қизил волчанка, яъни тери силининг бир тури ташхиси қўйилган. Бир қанча аъзолар, хусусан, юрак, тери ва буйрак фаолиятининг ёмонлашувига сабабчи бўладиган ушбу касаллик ҳақида хонанда 2013 йилда хабардор бўлган. Шундан кейин унинг ҳаётида касаллик билан боғлиқ муаммолар кузатилган: кучли депрессияга тушган, кимётерапия курсларига қатнаган ҳамда унга буйрак кўчириб ўтказилган.