Бугун,

  • USD 11095.31
  • RUB 173.84
  • EUR 10772.44

Давлат статистика қўмитаси негизида Ўзбекистон Миллий статистика қўмитаси ташкил этилади. Бу ҳақда муҳокамга қўйилган Президент қарори лойиҳасида сўз боради.

Ҳужжатга кўра, Миллий статистика қўмитаси барча давлат идора ва ташкилотларидан мустақил бўлади ва ўз фаолияти тўғрисида бевосита Президент ва бош вазирга ҳисобот беради.

Шунингдек, қўмита идоравий маълумотлар базаларига тўсқинликсиз кириш, шу жумладан, уларнинг ўзаро интеграцияси орқали кузатувлар, таҳлиллар ва расмий статистика материалларини шакллантириш ҳуқуқига эга бўлади.

Мамлакатда статистика тизимини ислоҳ қилишнинг устувор йўналишлари ҳужжатда белгилаб қўйилган:

  • статистика органларининг фаолиятини сифатли ва ишончли статистикани шакллантиришга, статистик маълумотларнинг шаффофлиги ва ошкоралигини оширишга қаратилган профессионал мустақил хизматга айлантириш;
  • ахборот-коммуникация технологияларидан кенг фойдаланган ҳолда статистик маълумотларни тўплаш, қайта ишлаш, таҳлил қилиш, нашр этиш ва сақлаш учун яхлит тизимни ташкил этиш;
  • илғор халқаро тажрибани жорий этиш орқали сўровларни босқичма-босқич оптималлаштириш, шунингдек, рўйхатга олиш ва доимий статистик ҳисоботларни намунавий тадқиқотлар билан алмаштириш;
  • фойдаланувчилар билан ўзаро алоқа қилиш ва мавжуд статистик маълумотлардан хабардорликни ошириш орқали статистик маълумотларга бўлган ишончини ошириш.
Қарор лойиҳасида Жаҳон банки кўмагида ишлаб чиқилган 2020—2025 йилларга мўлжалланган Ўзбекистон статистикасини ривожлантириш миллий стратегиясини ва уни амалга ошириш йўл харитасини тасдиқлаш ҳам кўзда тутилган.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)