Фуқаролик ишлари бўйича Бўз туманлараро судининг суд буйруғига асосан қарздор Х.Рўзиевдан ундирувчи Г.Янгибоева фойдасига 2 нафар фарзандининг моддий таъминоти учун алимент ундириш белгиланган эди.
МИБ матбуот хизматининг «Дарё»га хабар беришича, бюронинг Бўз тумани бўлими давлат ижрочиси томонидан олиб борилган тушунтириш ишларига қарамай қарздор алимент пулларини турли важ-карсонларни рўкач қилиб, тўламасдан юраверган.
Тўланмаган пуллар эса ҳисобланганда 23 630 968 сўмни ташкил этди.
Алимент пулларини тўламасдан келганлиги сабабли қарздор Х.Рўзиевга нисбатан Бўз туман маъмурий суди раиси Зарифжон Раҳимовнинг қарорига асосан 15 сутка маъмурий қамоқ жазоси тайинланди.
Изоҳ (0)