Футбол бўйича Франция чемпионатининг 17-турида 7 декабрь, шанба куни Томас Тухель қўл остидаги Парижнинг ПСЖ клуби сафарда «Монпелье»ни синовдан ўтказди.
Учрашув давомида парижликлар ярим ҳимоячиси Леандро Паредес ўз дарвозасини ишғол қилиб қўйган бўлса, Неймар (74), Килиан Мбаппе (76) ҳамда Мауро Икарди (81) бирин-кетин рақиб дарвозасига гол урди.
Шу тариқа ПСЖ меҳмонда кечган баҳсда «Монпелье» устидан 3:1 ҳисобидаги иродали ғалабани қўлга киритди.
Қайд этиш жоиз, ўйиннинг 72-дақиқасида мезбон жамоа ҳимоячиси Педру Мендеш ҳакам томонидан қизил карточка билан жазоланди ва майдондан четлатилди.
Маълумот учун, ПСЖ 39 очко тўплаган ҳолда мусобақа жадвалида етакчилик қилмоқда. «Монпелье» эса 24 очко билан 8-ўринда бормоқда.
Лига 1
17-тур баҳси
7 декабрь, шанба
«Монпелье»—ПСЖ 1:3
Голлар: 1:0 — 41, автогол Паредес, 1:1 — 74 Неймар, 1:2 — 76 Мбаппе, 1:3 — Икарди«Монпелье»: Рульи, Суке, Педру Мендеш, Конгре, Ойонго, Саванье (Молле, 67), Ле Таллек, Шотар, Илтон, Делор, Лаборд (Самбия, 77)
ПСЖ: Навас, Менье, Тиаго Сильва, Кимпембе (Диалло, 18), Бернат, Гуйе (Куасси, 25), Сарабия, Паредес, Мбаппе (Шупо-Мотинг, 90), Икарди, Неймар
Огоҳлантиришлар: Педру Мендеш (5), Диалло (42), Ойонго (45), Бернат (59), Шотар (79), Тиаго Сильва (83), Суке (85)
Четлатиш: Педру Мендеш (72)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)