Футбол бўйича Германия Бундеслигасининг 10-тури доирасида 2 ноябрь, шанба куни 5 та ўйин бўлиб ўтди.
Люсьен Фавр қўл остидаги Дортмунднинг «Боруссия» клуби «Сигнал Идуна Парк»да «Вольфсбург»ни синовдан ўтказди.
Учрашувнинг 52-дақиқасида «арилар» ярим ҳимоячиси Торган Азар Ашраф Ҳакимининг узатган тўпини рақиб дарвозасига жойлаб қўйган бўлса, орадан 6 дақиқа ўтиб португалиялик Рафаэл Геррейру ҳисобни 2:0 кўринишига олиб келди. Ўйиннинг асосий вақти тугашига 2 дақиқа қолганда меҳмон жамоа дарвозаситомон пеналтй белгиланди. Ундан мезбонлар вакили Марио Гётце унумли фойдаланди ва ҳисобни йирик кўринишга олиб келди (3:0).
Шу тариқа Дортмунд клуби ўз майдонида «Вольфсбург» дарвозасига жавобсиз 3 та гол уриб, муҳим 3 очкога эга бўлди.
Мазкур ғалабадан сўнг «Боруссия Дортмунд» очколари сонини 19 тага етказиб олди ва мусобақа жадвалида 2-ўринга кўтарилди. «Вольфсбург» эса 17 очко билан 7-ўринни эгаллаб турибди.
Шу куни Нико Ковач бошқарувидаги Мюнхеннинг «Бавария» жамоаси сафарда Франкфуртнинг «Айнтрахт»ига қарши майдонга тушди.
Беллашув давомида франкфуртликлар аъзолари Филип Костич (25), Жибрил Соу (33), Давид Абраам (49), Мартин Хинтереггер (61) ҳамда Гонсалу Пасиенсия (85) Мануэль Нойер қўриқлаётган дарвозани ишғол қилган бўлса, Мюнхен клубидан полшалик Роберт Левандовски (37) ўз ҳисобига битта гол ёздириб қўйди.
Натижада «Бавария» меҳмонда «Айнтрахт»га 1:5 ҳисобида мағлуб бўлди ва очко йўқотди.
Қайд этиш жоиз, «қизиллар» 18 очко тўплаб мусобақа жадвалида 4-ўринга пастлади. «Айнтрахт» эса 17 очко билан 6-ўриндан жой олди.
Бундеслига
10-тур баҳси
2 ноябрь, шанба
«Боруссия Д»—«Вольфсбург» 3:0
Голлар: 1:0 — 52 Азар, 2:0 — 58 Геррейру, 3:0 — 88, пенальти Гётце«Лейпциг»—«Майнц» 8:0
Голлар: 1:0 –– 5 Забитцер, 2:0 — 30 Вернер, 3:0 — 35 Нкунку, 4:0 — 38 Хальстенберг, 5:0 — 44 Поульсен, 6:0 — 48 Вернер, 7:0 — 50 Мукиеле, 8:0 — 87 Вернер«Байер»—«Боруссия М» 1:2
Голлар: 0:1 — 18 Вендт, 1:1 — 25 Фолланд, 1:2 — 42 Тюрам«Айнтрахт»—«Бавария» 5:1
Голлар: 1:0 — 25 Костич, 2:0 — 33 Соу, 2:1 — 37 Левандовски, 3:1 — 49 Абраам, 4:1 — 61 Хинтереггер, 5:1 — 85 Пасиенсия«Вердер»—«Фрайбург» 2:2
Голлар: 1:0 — 9 Рашица, 1:1 — 28 Петерсен, 2:1 — 59 Гебре Селассие, 2:2 — 90 ПетерсенЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)