Футбол бўйича Англия Премьер лигасининг 10-турида 26 октябрь, шанба куни навбатдаги 4 та ўйин ниҳоясига етди.
Фрэнк Лэмпард бошчилигидаги Лондоннинг «Челси» клуби меҳмонда «Бёрнли»ни синовдан ўтказди.
Учрашув давомида «аристократлар» ярим ҳимоячиси Кристиан Пулишич (21, 45, 56) ҳет-трикка эришган бўлса, бразилиялик Виллиан (58) ҳам рақиб дарвозасини бир маротаба ишғол қилишга эришди (4:0). Мезбонлардан эса Жей Родригес (86) ва Дуайт Макнил (89) Кепа Аррисабалага дарвозасига биттадан гол урди.
Шу тариқа «Челси» сафарда кечган баҳсда «Бёрнли»ни 4:2 ҳисобида мағлубиятга учратди ва 3 очкони қўлга киритди.
Қайд этиш жоиз, ушбу ғалабадан сўнг «Челси» очколари сонини 20 тага етказиб олди ва жамоа мусобақа жадвалида 4-ўринда бормоқда. «Бёрнли» эса 12 очко билан 11-ўринни эгаллаб турибди.
АПЛ
10-тур баҳслари
26 октябрь, шанба
«Брайтон»—«Эвертон» 3:2
Голлар: 1:0 — 15 Гросс, 1:1 — 20, автогол Уэбстер, 1:2 — 74 Кэлверт-Льюин, 2:2 — 80, пенальти Мопе, 3:2 — 90, автогол Динь«Уотфорд»—«Борнмут» 0:0
«Вест Ҳэм»—«Шеффилд Юнайтед» 1:1
Голлар: 1:0 — 44 Снодграсс, 1:1 — 69 Муссе«Бёрнли»—«Челси» 2:4
Голлар: 0:1 — 21 Пулишич, 0:2 — 45 Пулишич, 0:3 — 56 Пулишич, 0:4 — 58 Виллиан, 1:4 — 86 Родригес, 2:4 — 89 МакнилЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)