Ўзбекистон ишлаб чиқарувчилари қўшни Қирғизистонга янги турдаги маҳсулот экспортини бошлади. Маҳсулотнинг илк партияси йўлланишида журналистлар иштирок этди.
2019 йил бошида Тошкентда Япониянинг JTI компанияси маблағлари ҳисобидан акцизости товарлари ишлаб чиқарувчи фабриканинг учинчи ишлаб чиқариш линияси ишга туширилган эди. Натижада маҳсулотлар тури кўпайиб, 30 тага етказилди. Германия, Франция, Голландиядан олиб келинган мазкур технологиялар кўмагида тайёрланган юқори сифатли ва янги форматдаги маҳсулотлар кузга келиб Қирғизистонга экспорт қилиш бошланди.
ОАВ ходимлари ва блогерлар иштирокида қадоқланган дастлабки экспорт маҳсулотларини Қирғизистонга жўнатиш маросими бўлиб ўтди. Унда тадбирни ёритишга ташриф буюрган блогер ва ОАВ ходимлари қадоқланган қутиларга ўз дастхатларини тушириш имкониятига эга бўлган, шундан сўнг товарлар Қирғизистон томон йўлга чиққанди. Орадан маълум муддат ўтиб, мазкур экспорт товарлари Қирғизистоннинг сўлим Иссиқкўл водийси жойлашган ҳудудга етиб борди. Дастлабки экспортга бағишланган махсус тадбирда ўзбекистонлик бир қатор блогерлар ва ОАВ ходимлари ҳам иштирок этди.
Тадбир давомида JTI компаниясининг Қозоғистон ва Марказий Осиё бўйича бош директори Евгений Никольский иштирок этиб, йиғилганларга компаниянинг фаолияти ҳақида тақдимот ўтказди.
Никольскийга кўра, Ўзбекистонда фаолият олиб бораётган корхона сўнгги тўққиз ой давомида 800 миллион дона акцизости товар белгиларини ишлаб чиқарилган. Натижада кейинги икки йилда корхона 150 миллиард сўм солиқ тўлаб, давлат бюджетига фойда келтирди. Шунингдек, корхона 300 дан зиёд янги иш ўринларини яратган:
«Ўзбекистоннинг иқтисодий ва ишлаб чиқариш салоҳияти ўсиб бормоқда. Бу эса Ўзбекистонда жаҳон иқтисодиётига интеграциялашув ва мамлакат раҳбариятининг қулай сармоявий муҳит яратишга бўлган эътибори натижасидир. Бу борада бизнинг лойиҳамиз яхши мисол бўла олади».
Айни вақтда лойиҳанинг умумий инвестицион ҳажми 40 миллион долларга тенг.
Изоҳ (0)