Ўзбекистон Президенти қарори билан Нодир Муродов Жисмоний тарбия ва спорт вазирининг ўринбосари лавозимига тайинланди. Вазирлик матбуот хизматининг хабарига кўра, ушбу лавозим шу кунгача вакант эди.
Нодир Муродов олий маълумотга эга, Гулистон давлат университети, Тошкент давлат иқтисодиёт университети ҳамда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган. Иқтисодчи, халқаро иқтисодий муносабатлар магистри мутахассислигига эга.
Нодир Муродов меҳнат фаолиятини Боёвут туманидаги «Мурод» фермер хўжалигида иш юритувчи лавозимидан бошлаб, сўнгра Республика таълим маркази ҳамда Халқ таълими вазирлигида турли лавозимларда ишлаган.
2019 йилдан Молия вазирлигининг Давлат харидларини тартибга солиш ва мониторинг бошқармаси бошлиғи ўринбосари, Давлат харидларини бошқариш методологияси бўлими бошлиғи лавозимида фаолият кўрсатиб келаётганди.
Изоҳ (0)