Горький автомобиль заводида ўтказилган Comtrans—2019 кўргазмасида биринчи бор «Ҳаммабоп муҳит» дастури талабларига жавоб берувчи, ГАЗ маршруткаларининг янги авлодига мансуб микроавтобус модели намойиш этилди, деб хабар беради «Авто Mail.Ru».

Фото: «Авто Mail.Ru»

«Газель» базасидаги автобус оддий усулда яратилган: металл фургоннинг ёнларидан ойна учун тирқиш очилиб, ўриндиқлар ўрнатилган.

2013 йилда йўловчиларни ташишга мўлжалланган «Газель»ларнинг янги авлоди «катта автобуслар» технологияси асосида яратилган эди. Яъни янги пайдо бўлган «Газель Next»га пўлатдан ясалган каркаснинг мустаҳкамланган шассиси ўрнатилиб, устига руҳланган ва пластик панеллар ўрнатилган. «Ҳақиқий автобус»нинг яна бир белгиси — электр узатгичлари билан жиҳозланган ёнга очилувчи эшик эди.

Фото: «Авто Mail.Ru»

Янги микроавтобусга эса оригинал рама ўрнатилган бўлиб, бу унинг марказий қисмини пасайишига олиб келган. Бу каби қарор полнинг ҳақиқатда пастлигини таъминлашга ёрдам берган ва ичкарида ногиронлар аравачасидаги йўловчи ҳам сиға оладиган кенг очиқ майдон ҳосил қилган.

Фото: «Авто Mail.Ru»

Фото: «Авто Mail.Ru»

Фото: «Авто Mail.Ru»

Кичик автобуснинг кузови пўлат қувурлар ва алюминий ҳамда шиша пластик ёрдамида қопланган кучли каркасдан иборат. 22 кишини ташишга мўлжалланган микроавтобус ичида 17 та ўриндиқ ва 5 кишининг туриб кетишига етадиган жой бор.

Фото: «Авто Mail.Ru»

Кўргазмада тақдим этилган моделга газ-бензинли EvoTech 3.0 (120 от кучига эга) двигатели ўрнатилади.

Шунингдек, Горький автомобиль заводи янги «Газель» юк машинасини ҳам тақдим этди. Ташқи кўриниши Next версиясига ўхшаб кетса-да, у анча катта ўзгаришларни ўзида мужассам этган. Унга «Газель NN» номи берилгани таъкидланмоқда.

Фото: «Авто Mail.Ru»

Фото: «Авто Mail.Ru»