«Тошшаҳартрансхизмат» АЖ пойтахтда 24 йўналишдаги автобусларга синов тариқасида видеокузатув камераларини ўрнатаётгани ҳақида олдинроқ хабар берилганди.
Видеокузатув тизимининг асосий вазифаси йўл ҳаракати хавфсизлигини оширишни назарда тутади. Видеокузатувдан фойдаланиш шубҳали шахслар ва воситаларни аниқлаш, транспорт йўналишларини оптималлаштириш учун йўловчилар ташишни ҳисобга олиш, бахтсиз ҳодиса юзага келганда низоларни ҳал қилиш учун ҳайдовчининг айбдорлиги ёки айбсизлигини аниқлашда ёрдам беради.
Йил охирига қадар «Тошшаҳартрансхизмат» АЖ томонидан барча йўналишдаги автобусларга видеокузатув воситаларини ўрнатиш режалаштирилмоқда.
Маълум бўлишича, видеокамералар ўрнатиш ташаббуси «Тошшаҳартрансхизмат» АЖга тегишли. Бу амалиёт жамоат транспортидаги йўловчилар оқими, автобус салонларидаги тартиб ва тозаликни назорат қилиш имконини беради. Шунингдек, бахтсиз ҳодисалар, турли низолар, ўғрилик ва мулкка зарар етказиш каби ҳодисаларни олдини олишга ёрдам беради. Жамоат транспортини видеокузатув ускуналари билан таъминлашни молиялаштириш автобус саройлари маблағи ҳисобидан амалга оширилади.
Изоҳ (0)