18 август куни соат 16:48 да Олмазор тумани, Широқ кўчаси 104-уйда жойлашган «Телеатлас» хусусий корхонасига қарашли қоғоз маҳсулотларини қайта ишлаш цехининг омборхонасида қоғоз чиқиндилари 90 квадрат метр майдонда ёнди. Бу ҳақда Тошкент шаҳар ёнғин хавфсизлиги бошқармаси хабар берди.

Фото: Тошкент шаҳар ёнғин хавфсизлиги бошқармаси

Ёнғиндан бинонинг 800 квадрат метр майдонидаги қурилмалари сақлаб қолинган. Жанговар бўлинмалар чақирилган манзилга соат 16:55 да етиб борган ва кўрилган тезкор чора ва ҳаракатлар натижасида ёнғин соат 17:02 да қуршаб олиниб, 23 дақиқада ўчирилган. Воқеа жойига 5 та ёнғин ўчириш техникаси жалб қилинган.

Ёнғин оловдан эхтиётсизлик билан фойдаланиш оқибатида содир бўлган, деб тахмин қилинмоқда. Келтирилган моддий зарар миқдори аниқланмоқда. Ҳодисада инсонларнинг ҳалок бўлиши ва тан жароҳати олиш ҳолатлари қайд этилмади.