“Zakon.kz” Қирғизистонда собиқ президент Алмазбек Атамбаевни қўлга олиш бўйича махсус операция ўтказилганидан сўнг унинг уйи ҳолати акс эттирилган видеони жойлади.
Видеода уйда турли синиқлар ётгани, деворлардаги қонли излар, жароҳатланган кишилар акс этган.
Эслатиб ўтамиз, 7 август куни Қўй-Тошда Қирғизистон собиқ президенти Алмазбек Атамбаев қароргоҳида уни қўлга олиш бўйича ҳужум бошланди. Операция давомида резина ўқлардан фойдаланилган. Ҳужум оқибатида 43 киши жабрланган.
Шунингдек, Қирғизистоннинг Чуй вилояти Ички ишлар бошқармаси бошлиғи Самат Курманкулов ҳам ҳужум пайтида олган жароҳати оқибатида комага тушган.