Ўзбекистон Президенти Шавкат Мирзиёев «Аҳоли ва иқтисодиётни энергия ресурслари билан барқарор таъминлаш, нефть-газ тармоғини молиявий соғломлаштириш ва унинг бошқарув тизимини такомиллаштириш чора-тадбирлари тўғрисида»ги қарорни имзолади, деб хабар беради ЎзА.
Қарорга кўра, Халқаро консалтинг компаниялари ва халқаро молиявий институтлар билан ҳамкорликда Ўзбекистон Республикасининг нефть-газ тармоғини 2030 йилгача ривожлантириш концепцияси ишлаб чиқилган.
Ўзбекистон Республикасининг нефть-газ тармоғини 2030 йилгача ривожлантириш концепциясининг ҳар бир йўналиши бўйича ишчи комиссиялар таркибини тасдиқлади. Ташкил қилинаётган ишчи комиссиялари билан ҳамкорликда Ўзбекистон Республикасининг нефть-газ тармоғини 2030 йилгача ривожлантириш концепциясини амалга ошириш учун халқаро молия институтлари, хорижий ҳукуматлар молия ташкилотлари (кейинги ўринларда – ХМИ/ХҲМТ) ва консалтинг компанияларини жалб қилиш чораларини кўрилади.
Президент қарори билан «Ўзтрансгаз» АЖни «Ўзбекнефтгаз» АЖ таркибидан чиқариш ва «Ўзбекнефтгаз» АЖнинг «Ўзтрансгаз» АЖ устав капиталидаги улушини Ўзбекистон Республикаси Давлат активларини бошқариш агентлигига бериш тасдиқланди.
«Ўзтрансгаз» АЖнинг газ таъминоти бўйича ҳудудий филиаллари негизида «Ҳудудгазтаъминот» АЖни ташкил қилиниб, Агентлик унинг акциядори этиб белгиланади.
Қарорнинг тўлиқ матни билан қуйидаги ҳавола орали танишиш мумкин.
Изоҳ (0)