Бугун, 10 июль куни бош вазир Абдулла Арипов бошчилигидаги Ўзбекистон делегацияси Москвага йўл олади. Бу ҳақда ТИВ матбуот хизмати маълум қилди.
Ташриф дастурида 30 май куни Урганчда бўлиб ўтган Ўзбекистон—Россия ҳукумат раҳбарлари даражасидаги қўшма комиссиянинг биринчи йиғилишида эришилган келишувларни амалга ошириш жараёнини муҳокама қилиш, Россия бош вазири Дмитрий Медведев билан музокаралар ўтказиш кўзда тутилган.
Ўзбекистон делегацияси Халқ хўжалиги ютуқлари кўргазмаси ҳудудидаги «Ўзбекистон» павильонида ҳамда қатор корхона ва ташкилотларда бўлади.
Изоҳ (0)