Жиноят ишлари бўйича Наманган шаҳар суди ходими Наримон Боқиевга (исм-шарифлар ўзгартирилган) пора таклиф этган шахснинг жиноятини фош этди. Бу ҳақда «Дарё»га Олий суд матбуот хизмати маълум қилди.
Н.Боқиев 14 йиллик стажга эга, айни пайтда жиноят ишлари бўйича Наманган шаҳар суди архив мудири лавозимида ишлайди.
Шу йил 2 апрель куни ўзини Ихтиёр Валиев деб таништирган шахс Н.Боқиевдан валюта жинояти бўйича айбланган танишига судья орқали жазони енгиллаштириб беришни илтимос қилиб, «хизмат» қуруқ қолмаслигини билдиради. Суд ходими дарҳол бу ҳақда жиноят ишлари бўйича Наманган шаҳар суди раисига мурожжаат қилади.
Кўрилган тезкор чора-тадбирлар натижасида 3 апрель куни судланувчининг таниши суд ходимига 400 АҚШ доллари бераётган пайтида қўлга олинади. Айни пайтда И.Валиевга нисбатан Жиноят кодексининг 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)