Япониянинг «Хаябуса-2» зонди Рюгу астероидига бомба ташлади

«Хаябуса-2» — автоматик сайёралараро станцияси (AСС) Рюгу астероидига тўрт ярим килограммли портловчи мосламани ташлади. Бу ҳақда TJournal хабар қилади.

AСС Ерда ўрганиш учун портлашдан кейин ҳосил бўлган тупроқ қатлами парчаларини тўплайди.

Олимлар режалаштирганидек, бомба астероид устида кичик кратер қолдирди.

Бомба ташлагандан сўнг, AСС астероиднинг портлаган парчалари билан тўқнашмаслиги учун йўналишини ўзгартирди. Кейинроқ у Рюгу юзасига қўниб, портлаш оқибатида ҳосил бўлган астероид тупроғи парчаларини йиғиш билан шуғулланади.

«Хаябуса-2» ўз миссиясини 2014 йилда бошланган бўлиб, 2018 йилнинг ёзида Рюгу астероидига учиб борган ва уни яқиндан суратга туширган.

Миссиянинг мақсади — астероиддан тупроқ намуналарини олиб, Ергача етказишдир. Бунинг учун AСС тантал металидан ясалган ўқ отиб, астероид тупроқ зарраларини махсус чангютгич билан тўплади.

AСС 2020 йилгача намуналар капсуласини Ерга юборади. Астероиддан олинган тупроқ намуналари Қуёш тизимининг эволюциясини яхшироқ ўрганишга имкон беради.