15 март, жума куни ФИФА кенгаши клублар ўртасидаги жаҳон чемпионатининг янги форматини тасдиқлаши мумкин. Бу ҳақда AP хабар берди.
Манбага кўра, янги форматда мусобақа 2021 йилнинг 17 июнидан 4 июлига қадар ўтказилиши режалаштирилган. У Конфедерациялар кубогининг ўрнига ўтказилади. Хабар қилинишича, аввалроқ мусобақанинг кенгайтирилган форматини 6 та конфедерациянинг 5 таси қўллаб-қувватлаган. Ҳозирча УЕФАнинг розилиги олинмаган.
Янги форматда клублар ўртасидаги жаҳон чемпионатида иштирок этадиган жамоалар сони 24 тагача кўпайтирилиши мумкин. Мусобақада Европадан 8 та, Жанубий Америкадан 6 та, Африка, Осиё ва КОНКАКАФдан биттадан жамоа иштирок этиши режалаштирилган. Океаниядан ҳам битта клуб мазкур мусобақага чақирилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!