Интернет яратувчиси Тим Бернерс-Ли жаҳон тармоғининг 30 йиллигига бағишланган мақоласида глобал тармоқ учун асосий таҳдидларни қайд этди. Бу ҳақда нодавлат ташкилоти World Wide Web Foundation хабар берди.
Кашфиётчининг фикрига кўра, тармоқ «ижтимоий платформа, кутубхона, шифокор, дўкон, мактаб, дизайн студияси, офис, кино, банк» ва бошқа кўплаб нарсаларга айланган, аммо мунтазам интернетдан фойдаланиш «тармоқ ҳақиқатан ҳам яхши» эканига шубҳа уйғотади.
Бернерс-Ли келгуси 30 йил ичида Интернет яхши томонга ўзгаришига ишонмайди. Унинг сўзларига кўра, глобал тармоқни тартибга солиб, салбий ўзгаришларнинг олдини олиш мумкин. Унинг айтишича, асосий таҳдид — давлатлар томонидан ҳомийлик қилинган, интернетда зўравонлик, босим ўтказишни рағбатлантирувчи платформалар, нотўғри маълумот тарқатиш ва онлайн мулоқот маданиятининг пасайиши ҳисобланади.
Интернет ихтирочиси ушбу таҳдидларни камайтирадиган қонунлар ва тизимларни яратиш зарурлигини айтган. Бернерс-Ли, шунингдек, оммабоп платформалар интернетни тарғиб қилиши сабабли кликбейт блогерлари учун имтиёзларни ўзгартириш зарурлигига эътибор қаратган.
«Бу ерда фақат битта давлатни, ижтимоий тармоқни ёки инсон қалбини айблаб бўлмайди. Соддалаштирилган тушунтиришлар, уларнинг асосий сабабларини эътиборга олиш ўрнига, бу муаммоларнинг аломатларини йиғиб, қувватимизни йўқотиш хавфини туғдиради. Буни тўғри бажариш учун биз бутунжаҳон веб-бирлашмасига қўшилишимиз керак», — дея таъкидлайди тармоқ ихтирочиси.
У ҳукуматларни рақамли даврга қонунларни мослаштиришга, бироқ айни пайтда фуқароларнинг ҳуқуқлари ва эркинликларини Интернетда очиқлиги ва ҳимоя қилинишини кафолатлашга чақирган.
Изоҳ (0)