Олдинроқ оммавий ахборот воситаларида грин-карта ютишнинг янги усули пайдо бўлгани ҳақидаги хабар тарқалган эди. Хабарда айтилишича, АҚШ компаниялари мамлакат меҳнат департаментидан малакасиз кадрларни грин-карта асосида таклиф қилиш юзасидан рухсат олган. Шундай қилиб, хабарда айтилишича, грин-картага эга бўлишнинг янги усули юзага келган.
Фото: Google Photos
Бу гап-сўзлар юзасидан «Дарё» АҚШнинг Тошкентдаги элчихонасига мурожаат этди. Элчихона вакиллари бу хабарни инкор этди.
Ҳеч қандай «янги» грин-карта дастури мавжуд эмас. Америка Қўшма Штатлари аллақачон малакасиз ишчилар учун «Бандликка асосланган учинчи имтиёз» (E3) номли иммиграцион виза дастурига эга. Ушбу категориядаги барча бўлғуси иммигрантлар иш берувчининг махсус петициясига эга бўлишлари лозим ҳамда бундай ишчи-ходимлардан АҚШ Меҳнат департаменти тасдиқлаган қўшимча меҳнат гувоҳномаси талаб этилади. Тўловларни одатда иш берувчи амалга оширади, шунинг учун мурожаат эгаларидан бундай виза ваъда қилиб олдиндан катта миқдордаги тўловларни талаб этаётган ҳар қандай ҳуқуқий фирма ёки агентлик тутган йўл, ва ё бундай виза учун мурожаат этувчиларни ўзига жалб этишга уриниш ҳолати, эҳтимолки фирибгарликнинг бир кўринишидир.
АҚШнинг Тошкентдаги элчихонаси
