13 январь, якшанба куни футбол бўйича Испания чемпионатининг 19-тур доирасида навбатдаги учрашувлар ниҳоясига етди.
Мадриднинг «Атлетико» клуби ўз майдонида «Леванте» жамоаси билан беллашди ва кичик ҳисобдаги ғалабани илиб кетди (1:0).
Ўйиндаги ягона голга «Атлетико» ҳужумчиси Антуан Гризманн муаллифлик қилди. У 11 метрлик жарима зарбасида рақиб дарвозасини аниқ нишонга олиб, жамоасига муҳим 3 очкони тақдим этди.
Ушбу турда «Севилья» клуби «Атлетик Бильбао» уйига сафар қилди ва 0:2 ҳисобида мағлубиятга учради.
Учрашувнинг 23—84-дақиқаларида мезбон жамоа аъзоси Иняки Уильямс «Севилья» дарвозасига 2 та тўп киритиб, дублга эришди. Беллашув «Атлетик Бильбао»нинг ғалабаси билан якунланди.
Эрнесто Вальверде бошлиқ «Барселона» клуби ўз уйида «Эйбар» жамоаси билан баҳсга киришди ва йирик ҳисобда ғалаба қозонди (3:0).
1-бўлимнинг 19-дақиқасида Луис Суарес ва Филиппе Коутиньо жуфтлиги девор услубида комбинация уюштирди ва натижада уругвайлик ҳужумчи рақиб дарвозасини ишғол қилди (1:0).
2-бўлимнинг 53-дақиқасига келиб, Леонел Месси Луис Суарес узатган тўпни «Эйбар» дарвозасига жойлаб қўйди (2:0). Орадан 6 дақиқа ўтиб, Луис Суарес жамоасининг 3-голига муаллифлик қилди ва дублга эришди.
Шу тариқа учрашувда «Барселона» жамоаси «Эйбар» устидан 3:0 ҳисобидаги ишончли ғалабани қўлга киритди.
Мадриднинг «Реал» клуби «Бетис» меҳмони бўлди ва қийин кечган ўйинда «Қироллик клуби»нинг қўли баланд келди (1:2).
Учрашувнинг 13-дақиқасида Лука Модрич меҳмон жамоа ҳимоячисига тегиб қайтган тўпни ажойиб тарзда дарвоза тўрига жойлаб қўйди ва ҳисобни очди (0:1).
2-бўлимнинг 67-дақиқасида Жовани Ло Чельсо узатмасини «Реал» собиқ ўйинчиси (2010/2012) Серхио Каналес голга айлантирди (1:1).
Беллашувнинг асосий вақти тугашига 2 дақиқа қолганда Дани Себальос жарима зарбасидан «Бетис» дарвозасини аниқ нишонга олиб, якуний нуқтани қўйди ва ўйин қаҳрамонига айланди (2:1).
Ла Лига
19-тур баҳслари
13 январь, якшанба
«Атлетико Мадрид»—«Леванте» 1:0
Гол: 1:0 – 57 Гризманн.«Атлетик Бильбао»—«Севилья» 2:0
Голлар: 1:0 – 23 Уильямс, 2:0 – 84 Уильямс.«Барселона»—«Эйбар» 3:0
Голлар: 1:0 – 19 Суарес, 2:0 – 53 Месси, 3:0 – 59 Суарес.«Бетис»—«Реал Мадрид» 1:2
Голлар: 0:1 – 13 Модрич, 1:1 – 67 Каналес, 1:2 – 88 Себальос.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)