Ўзбекистон Ўзбекистон Бандлик ва меҳнат муносабатлари вазири 19 ноябрь куни бўлиб ўтган матбуот анжуманида оммавий ахборот воситалари ходимларидан жорий этилаётган янгиликларни тўғри талқин этишни сўради, деб хабар берди «Дарё» мухбири Севара Нишонова.
Шу кунларда айрим интернет сайтлари ва ижтимоий тармоқларда норасмий банд фуқаролар учун патент киритилиши масаласи турлича талқин этилмоқда ва бу кўплаб баҳс-мунозараларга сабаб бўлмоқда. Патент жорий этишдан асосий мақсад нима? Ҳозирда норасмий банд фуқаролар ижтимоий жиҳатдан ҳимоя қилинмаган. Қонунчиликда келгусида уларнинг пенсия олишини кўзда тутувчи нормалар мавжуд эмас. Гап фақат шу ҳақда кетмоқда. Уларга ҳам пенсия олиш ҳуқуқини тақдим этмоқчимиз. Агар улар хоҳласа шу суммани тўласин, хоҳламаса тўламасин. Ҳамма нарса ҳозиргидек қолади. Ҳеч ким ҳеч кимни бирон нарса қилишга мажбурламайди. Бироқ норасмий банд фуқаролар, меҳнат муҳожирлари келгусида давлатдан нафақа олишни истаса, уларда патент пулини тўлаб ушбу имкониятдан фойдаланиш имкони бор. Биз норасмий банд фуқароларга нафақа олиш ҳуқуқини бериш ниятидамиз. Бўлди. Бироқ, айрим оммавий ахборот воситалари буни нотўғри талқин қилмоқда ва халққа нотўғри ахборот етказмоқда. Жумладан, Озодлик, Sputnik каби нашрларда ушбу масала юзасидан хабарлар чоп этилганидан сўнг, интернет фойдаланувчилари давлатни мардикорларни ҳам солиққа тортишга уринишда айбламоқда. Шунинг учун журналистлардан янгиликларни тўғри талқин қилишни сўрайман.Шерзод Кудбиев, Ўзбекистон Бандлик ва меҳнат муносабатлари вазири
Изоҳ (0)