Навоий шаҳрида жойлашган «Ёшлик» стадиони ҳудудида «Куз-қиш мавсумида коммунал тизимларда содир бўлиши мумкин бўлган аварияларнинг олдини олиш ва содир бўлганда уларни зудлик билан бартараф этишга жалб этиладиган куч ва воситаларнинг шайлиги ҳолатини ўрганиш» мавзусидаги кўргазмали ўқув машқи ўтказилди, деб хабар берди ФВВ матбуот хизмати.
Ўқув машқи икки босқичда ўтказилган бўлиб, ўқув машқининг назарий босқичда вилоятда куз-қиш мавсуми давомида коммунал тизимларда жумладан газ, электр тармоғи, иссиқлик таъминоти ва ички йўлларда содир бўлиши мумкин бўлган авариялар (узилишлар) ва фавқулодда вазиятларда, ҳамкорликда ҳаракат қилувчи хизматлар куч ва воситаларининг шайлиги, заҳира воситаларининг яратилганлиги, ходимларни шахсий ҳимоя воситалари ва бошқа зарурий воситалар билан таъминланганлик ҳолатига алоҳида эътибор қаратилди.
Ўқув машқининг амалий қисмида Республика ишчи гуруҳи томонидан ижтимоий-иқтисодий ҳолатни ўрганишлар жараёнида аниқланган Кармана туманидаги «Боғи шамол» МФЙдаги таъмирталаб Бахт ва Меҳр кўчаларининг 4 километр қисмида вилоят ФВБ, ИИБ ва «Автойўл» ДУК ҳамкорликда шағал ётқизиш ишлари амалга оширилди.
Ушбу ўқув машқида вилоят ФВДқТнинг жами 240 нафар ишчи-ходимлари ва 182 та техникаси жалб этилди.
Изоҳ (0)