Бугун,

  • USD 11095.31
  • RUB 173.84
  • EUR 10772.44

Ўзбекистонда ҳокимликлар уларга хос бўлмаган ва бир-бирини такрорловчи функциялардан халос этилади. Норматив-ҳуқуқий ҳужжатлар лойиҳалари муҳокамаси порталига тегишли мазмундаги қонун лойиҳаси жойлаштирилган, деб ёзади Norma.

Фото: Norma

Фото: Norma

Эслатиб ўтамиз, Президентнинг 17.08.2018 йилдаги «Тошкент шаҳрида бошқарувнинг алоҳида тартибини жорий этиш бўйича ҳуқуқий эксперимент тўғрисида»ги ПФ–5515-сон Фармони билан ҳокимликларга хос бўлмаган ва бир-бирини такрорловчи функцияларни аниқлаш нуқтаи назаридан қонун ҳужжатларини хатловдан ўтказиш, натижаси бўйича уларни оптималлаштириш вазифаси топширилган.

Адлия вазирлиги юздан ортиқ қонунни таҳлил қилиб (айнан шунча ҳужжатда ҳокимликларнинг ваколатлари, функциялари ва вазифалари қайд этилган), уларнинг қарийб чорак қисмида маҳаллий ҳокимиятнинг асосий фаолиятига хос бўлмаган ёхуд бошқа давлат органларининг функцияларини такрорловчи талаблар борлигини аниқлади. Ҳокимликлар ресурслар озлиги ва малакали ходимлар етишмаслиги боис уларнинг аксариятини бажармайди.

Шу муносабат билан ишлаб чиқувчи муаммони ҳал қилиш йўлида иккита қадам қўйишни таклиф этади.

Биринчидан, НҲҲдан ҳокимликлар зиммасига юклатилган, уларга хос бўлмаган функциялар ва ваколатларни чиқариб ташлаш.

Масалан, ушбу рўйхатда:

  • кооперативлар ва қишлоқ хўжалиги кооперативлари (ширкатлари) уставларини рўйхатдан ўтказиш;
  • табиатни муҳофаза қилиш тўғрисидаги қонун ҳужжатларини бузаётган юридик ва жисмоний шахсларнинг хўжалик фаолиятини тўхтатиб туриш ҳақида қарорлар қабул қилиш;
  • совхозлар ва бошқа давлат қишлоқ хўжалиги корхоналарининг давлат турар жой фондини хусусийлаштириш тартибини белгилаш (уларнинг мулкдорлари билан биргаликда);
  • коммунал хизматлар ҳақини ва ХУМШга мажбурий бадалларни тўлаш бўйича қарздорликни ундириш тўғрисидаги даъво аризалари билан судларга мурожаат қилиш;
  • депутатлар билан учрашиш ва уларнинг ҳисоботларини тинглаш учун сайловчиларни чақириш;
  • истеъмолчиларнинг ҳуқуқларини ҳимоя қилиш чора-тадбирлари;
  • давлат ер кадастри юритилишини монтиронг қилиш, шунингдек ер участкаларига бўлган ҳуқуқлар ва улар билан боғлиқ битимлар давлат рўйхатидан ўтказилишини ташкил этиш;
  • хорижий инвестициялар иштирокидаги корхоналарнинг счётларидаги пул маблағларидан фойдаланишни чеклаш ёхуд мажбуран ечиб олиш;
  • иш жойининг транспортда қатнаш жиҳатидан қулайдигини белгилаш.
Иккинчидан, бир қатор қонун ҳужжатларида ҳокимликларнинг жисмоний тарбия ва спорт, мудофаа, табиатни муҳофаза қилиш, сувга оид муносабатлар, меҳнатни муҳофаза қилиш, соғлиқни сақлаш, таълим ва бошқа соҳалардаги ваколатлари улар томонидан соҳа вазирликлари ва идораларининг ҳудудий бўлинмалари орқали амалга оширилишини қайд этиш.

Лойиҳа ўзгартирилиши, унга қўшимча киритилиши ёки рад этилиши мумкин.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди