28 сентябрда «Ўзэкспомарказ»да анъанавий ICTWeek Uzbekistan 2018 ҳафталигининг якуний босқичи бўлиб ўтди
2002 йилдан бери ҳар йили ўтказилиб келаётган ICTWeek Uzbekistan ахборот технологиялари соҳасидаги энг йирик тадбирлардан бирига айланган. Мазкур ҳодиса нафақат тадбиркорлар ва АКТ мутахассисларини, балки оддий фуқароларни ҳам бирлаштиради. Бу йил, 26—28 сентябрь кунлари ташкил этилган анъанавий ҳафталик доирасида кўплаб форумлар, турли даражадаги учрашувлар, танловлар ва бошқа кўплаб воқеалар бўлиб ўтди.
Кўргазмада бир неча компаниялар иштирок этишди, улар орасида жорий йилда Ўзбекистон бозоридаги ўз брендининг ўн йиллигини нишонлаётган Ucell компанияси ҳам бор. Мазкур компаниянинг стенди турли-туман ташриф буюрувчиларнинг эътиборини жалб этди: ўқувчи ва талабалардан тортиб жиддий тадбиркорлар, бизнесменларгача. Улардан ҳар бири компаниянинг маҳсулот ва хизматлари ҳақида батафсил маълумот олишди. Ёритилган хизматлар орасида яқинда йўлга қўйилган «Кайфият» ва «Active», шунингдек якка тадбиркорларга мўлжалланган «Special» тариф режалари тизимларига алоҳида эътибор қаратилди. Мазкур тариф режаларининг афзаллиги шундаки, бир марта тўлов қилиб, абонент бутун ой учун дақиқалар, SMSлар ва Мблар олади.
Бундан ташқари, ICТWeek доирасида Ucell «Звук» мусиқий сервисини ҳамда «Ucell Kino» онлайн-кинотеатрини ҳам намойиш этди. Ucell вакили таъкидлаганидек: «Звук» мусиқий иловаси компания абонентлари учун хориж эстрадаси ва ўзбек хонандаларининг 25 000 000 дан ошиқ мусиқий тароналарини трафик тўловисиз ва чексиз тинглаш имконини беради. «Ucell Kino» ёрдамида эса, маҳаллий ва дунёнинг машҳур кино, сериал ва мультфильмларини худди шундай чексиз томоша қилиш мумкин».
Эътиборли томони, ташриф буюрувчилар кўргазманинг учинчи куни анъанавий тарзда Ucell танловларида қатнашиб, ундан эсдалик совринларини олишди.
Танловлар иштирокчилари орасида ICT кўргазмалари доирасидаги Ucell стендларига бир неча йилдан буён ташриф буюриб келаётганлар ҳам бор экан. Олий ўқув юрти ўқитувчиси Малика Аҳмедова шундай дейди: «ICTEXPO ҳақида мен илк бор 2013 йили хабар топгандим. Ўшанда, тасодифан Ucell стендига кўзим тушиб, танловда қатнашишга қарор қилдим ва дарров смартфон ютиб олдим, у ҳозиргача оиламизга хизмат қилмоқда: дастлаб бу телефонни ўзим ишлатдим, энди эса уни қизим тутяпти. Ўша йилнинг ўзидаёқ мен Ucell абоненти бўлганман ва ҳозиргача ушбу компания хизматларидан фойдаланиб келаман. Шундан буён, мана олти йилдирки, ҳар гал мазкур кўргазмада иштирок этаман. Бу йил ўзим билан қизларимни ҳам олиб келдим».
Ҳа, вақт бир жойда турмайди, у билан баравар қадам ташлаш учун, Ucell ўзининг юксак технологик мақомини ушлаб турибди: мунтазам тарзда хизмат ва иловаларнинг янги турларини йўлга қўйиш устида ишлайди ва бу билан абонентлар учун қўшимча қулайликлар яратиб келади.
Реклама ҳуқуқи асосида
