Freedom Finance инвестицион компанияси ва Тошкент фонд биржаси Ўзбекистон фонд бозорини ривожлантириш соҳасидаги ҳамкорлик тўғрисида келишиб олди, деб хабар беради фонд биржаси матбуот хизмати.
Freedom Finance ИК мамлакатнинг етакчи миллий компаниялари IPO’сини тарғиб қилиш ва аҳолининг молияви саводхонлигини оширишга фаол равишда инвестиция киритади.
Freedom Finance инвестицион компанияси «Тошкент» республика фонд биржаси АЖ Ўзбекистон фонд бозорини ривожлантириш соҳасидаги ҳамкорлик тўғрисида меморандумни имзолади.
«Ҳамкорларнинг ишонч билдиришича, биргаликдаги саъй-ҳаракатлар мамлакатнинг ҳар бир фуқароси фонд биржасида инвестор бўла олишига ва миллионлаб бой америкаликлар ёки қўшни Қозоғистоннинг юз мингдан ортиқ аҳолиси каби қимматбахо қоғозлар эвазига даромад олишга эришиш учун асос бўла олади.
Ўзбекистонда ҳозирда давлат назорати остида бўлган динамик равишда ўсиб бораётган компанияларни хусусийлаштириш бўйича дастурнинг ишга туширилиши кутилмоқда. Мамлакат аҳолиси, эндиликда, нафақат дивидендларни тўлаш, балки ушбу компаниялар акциялари котировкаларининг ўсишида пул ишлаб топишдан бошлаб, то йирик миллий корхоналарнинг эгаларидан бирига айланишгача бўлган имкониятини қўлга киритиши мумкин», — дейилади хабарда.
«Биз биржага янги эмитентларни жалб этиш соҳасидаги ҳамкорлик нақадар зарур эканлиги яхши биламиз. Миллий компанияларга тегишли қимматбаҳо қоғозларни бирламчи ва иккиламчи тарқатиш борасидаги ҳамкорлик, ва бу орқали аҳолининг молиявий саводхонлигини ошириш Ўзбекистон фонд бозорининг ривожланишига жиддий қўмак сифатида хизмат қилади. Биз Қозоғистондаги ‘халқ IPO’ ижобий тажрибаси, инвестициялар соҳасидаги лойиҳаларни ташкиллаштиришда Freedom Finance’нинг ташкилий имкониятларини ҳисобга олган ҳолда хусусийлаштириш жараёнини бошидан кечираётган миллий компанияларнинг акцияларини харид қилиш масалаларига Ўзбекистон аҳолисининг қизиқиши ортиб боришига ишонамиз ва яқин вақт ичида бунинг бевосита гувоҳига айланамиз», — дея таъкидлади Тошкент фонд биржаси бошқаруви раиси вазифасини бажарувчи Бекзод Усмонов.
Freedom Finance ИКнинг Ўзбекистондаги биринчи лойиҳаси Қўқон механика заводининг акцияларини оммавий таклиф этиш (SPO) бўлади. Ушбу ахборотни Ўзбекистон ташқи иқтисодий фаолият миллий банки 2018 йилнинг апрелида Ўзбекистон Республикаси Вазирлар Маҳкамасининг тегишли Қарорига ишора қўринишида тарқатди.
Компания акцияларини жойлаштириш вақтида ҳар бир ўзбекистонлик компаниянинг амалдаги акционерларидан завод акцияларини харид қилиб олиш имкониятини қўлга киритган ҳолда ўзларини инвестор сифатида синаб кўришлари мумкин бўлади. Жойлаштирилаётган акцияларнинг миқдори ва уларнинг баҳоси кейинроқ аниқланади.
Изоҳ (0)