11 август куни Тошкентда New Life Medical’нинг позитрон-эмиссия томография маркази очилиши бўлиб ўтди. Компаниянинг асосий йўналиши – янги ускуналарда энг замонавий ва инновацион усуллар билан онкологик касалликларга ташхис қўйишдан иборат.
Ядро тиббиёт маркази саратон касаллигининг эрта даврида ташхис қўйиш, касаллик босқичларини аниқлаш, шунингдек ўтказилаётган даволаш самарадорлигини кузатиб боришга қодир бўлган GE 128 Discovery MI DR ПЭT/КТ ускунасига эга.
Беморларни текширувдан ўтказиш бевосита махсус радиоизотоп фармакологик препарат ёрдамида амалга оширилади. Ўз тузилишига кўра стандарт глюкозага яқин бўлган ушбу универсал препарат барча ўсма ҳужайраларида фаол тўпланиш хусусиятига эга бўлиб, унинг ярим парчаланиш даври 108 дақиқани ташкил қилади.
Ушбу препарат инъекция йўли билан танага киритилгандан сўнг асосан ўсма ҳужайраларида тўпланганлиги сабабли, ПЭT/КТ ускунасида ўсма тасвирини юқори сифатли даражада кўриш имконияти туғилади.Препарат қисқа ҳаёт кечирувчи изотоп бўлиб, ярим парчаланиш даври 108 дақиқага эга. Бемор танасида парчаланиб, бир сутка давомида бутунлай йўқ бўлади ҳамда организмдан айирув тизими орқали чиқариб юборилади. Ядро тиббиёт марказига ўрнатилган ПЭT/КТ ускунасида бемор танасинини бошидан-оёғигача 20 дақиқа давомида батамом текшириш имконини беради ва бу бошқа ПЭT-сканерлар билан солиштирилганда сезиларли равишда тезроқ амалга оширилади.
Дунёда ҳар куни минглаб беморлар ПЭT/КТда текширувлардан ўтишади. Расмий маълумотларга кўра, бугунги кунда Ўзбекистонда онкологик касалликка дучор бўлган 120 мингдан зиёд беморлар рўйхатга олинган. Уларнинг учдан бир қисми ҳар йили ПЭT/КТ ускунасида текширувдан ўтиш учун хорижий давлатларга боришади. Мазкур текширувни New Life Medical клиникасида амалга ошириш сезиларли равишда, яъни 3—4 баробар арзонга тушади. Бундан ташқари, текширув натижалари ҳам беморга қисқа муддат давомида тақдим этилади.
Жараённинг ўзи кўп йиллик тажрибага эга бўлган мутахассислар гуруҳининг қатъий назорати остида ўтказилади. Циклотрон муҳандислари, радиокимёгарлар, радиофармацевтлар, радиолог шифокорлар, шу жумладан профессор, доцент, катта илмий ходимлар, фан докторлари ва номзодлари бир ёқадан бош чиқариб, ушбу ўта мураккаб, инновацион диагностика усулини амалга оширишда тинмасдан ишламоқдалар.
ПЭT/КТ GЕ 128 Discovery MI DR– бу 128 та кесмали мультиспирал компьютер томографияси ва позитрон-эмиссия томографиясидан иборат гибрид сканер туркумига киради. Бу 2018 йилда ишлаб чиқарилган молекуляр тасвирларни кўриш учун мўлжалланган мутлақо 100% рақамли тизимга эга энг сифатли тасвир берувчи гибрид томографдир. Ушбу аппарат русуми GE Healthcare (АҚШ) компаниясининг ишлаб чиқариш линиясининг энг юқори чўққисида бўлиб, ҳозирда дунёнинг фақат учта давлатидаги клиникаларга урнатилган, жумладан АҚШ, Италия ва энди Ўзбекистонда. Бундан ташқари, ушбу ускуна модели МДҲ мамлакатларида ҳали ўрнатилган эмас. Юқори сифатли, сезгир, замонавий, рақамли детекторларнинг мавжудлиги, диаметри 2—3 мм бўлган ўсмаларни аниқлаш имконини беради. Унинг юқори аниқлик кучи туфайли ускуна касалликнинг дастлабки босқичларида жуда ҳам кичик ўлчамдаги патологик ҳосилаларни аниқлашга қодир.
New Life Medical ядро тиббиёт маркази беморларга ПЭT тасвирларини рангли термографик плёнкада тақдим этувчи дунёдаги биринчи клиника ҳисобланади.
11 август куни New Life Medical клиникаси Grand Mir Hotel’нинг конференциялар залида Ўзбекистонда биринчи ПЭT-маркази очилишига бағишланган халқаро илмий конференцияни ташкиллаштирди. Очилиш маросимида ЎзР Соғлиқни сақлаш вазири ўринбосари Э.Э. Боситхонова, РИИАО ва РTМ директори, Ўзбекистон онкологлар уюшмаси раиси, профессор М.Н.Тиллашайхов ва ТТА радиология ва нур ташхиси кафедраси профессори М.Х.Хаджибековлар сўзга чиқишди. Конференцияда дунёнинг турли мамлакатларидан ташриф буюрган етакчи мутахассислар, жумладан Метин Чевинер (Туркия), профессор Кайремо Калеви (Финляндия), Юрий Ильин ва Галия Рискулова (Қозоғистон) ҳамда Малика Ходжибекова (Россия) ўз маърузалари билан чиқиш қилишди.
Маълумот учун :
Сайт: pettashkent.uz
Телефонлар:
+99871-231-20-54
+99871-231-20-55
+99871-200-00-78
Манзил:
Тошкент шаҳри, Фаробий кўчаси, 28
Мўлжал: Беруний метродан янги ТошМИ йўналишида ўнг томонга 100 м юрасиз.
Реклама ҳуқуқи асосида
Изоҳ (0)