Тошкент шаҳри ҳокимлиги ҳузуридаги Жамоатчилик кенгаши «Parkent Plaza» жамоаси билан биргаликда Юнусобод тумани, 11-даҳа, 17-уйдаги устидан бўёқ сурилган мозаикани тўғрилаш ва қайта тиклаш ишларини бошламоқда.
Мазкур компания раҳбари, Жамоатчилик кенгаши эксперти Ойбек Шодиев тергов-тафтиш ишлари тугашини кутмасдан мозаикани масъулият билан қайта тиклашга қарор қилди. Мозаикани тозалаш ва қайта тиклаш харажатларини «Parkent Plaza» компанияси ўз зиммасига олади. Ушбу ташаббус кенгаш томонидан қўллаб-қувватланди.
19 июль куни нарвонлар ўрнатилди ва паннони тозалаш ишлари бошланди. 20 июль куни реставрация ишлари бўйича мутахассис академик Марина Бородина билан маслаҳатлашув бўлиб ўтади.
Тошкент аҳолиси 10 кундан кейин мозаикани илк кўринишида томоша қилиши мумкин.
Изоҳ (0)